E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Gjyqtarët nuk justifikojnë pasurinë/Priten dhjetëra largime

2 Prill 2017, 07:51, Aktualitet CNA

Frika në radhët e gjyqtarëve dhe prokurorëve, sa vjen dhe shtohet. Çdo ditë që kalon, vetingu afrohet dhe më tepër dhe për këtë arsye të gjithë po mbërthehen nga paniku. Sipas informacioneve, Inspektorati i Lartë i Deklarimit dhe Kontrollit të Pasurive si dhe Drejtoria e Sigurimit të Informacionit të Klasifikuar po ecin me ritme të shpejta në verifikimin e formularëve të dorëzuar nga njerëzit e drejtësisë. Sipas burimeve nga ILDKP, shumë gjyqtarë dhe prokurorë janë gjetur me mangësi në dokumentet për justifikimin e pasurisë, ligji detyronte të gjithë personat që përveç deklaratës ku të tregonin të gjitha pasuritë dhe të ardhurat, të paraqisnin dhe dokumente që vërtetojnë pronësinë e objekteve të caktuara apo që janë të ligjshme. Mirëpo nga verifikimet e deritanishme ka rezultuar se një pjesë e madhe nuk po i justifikojnë dot, sepse dokumentet që kanë dorëzuar nuk janë të plota. Por vështirësitë më të mëdha janë sa i takon pasurisë të të afërmve, shkruan sot.

Ditët e fundit, ILDKP ka kërkuar që të gjithë gjyqtarët dhe prokurorët të deklarojnë me detaje pasuritë që kanë kushërinjtë si dhe krushqitë e tyre, ku dhe këto bashkë me dokumentet që duhet të justifikojnë këto pasuri. Kjo ka bërë që një sërë prokurorësh dhe gjyqtarësh ditët e fundit të nisin plotësimin e dokumenteve. Nga ana tjetër mësohet se agjentët e ILDKP kanë zbritur në terren dhe për një pjesë të madhe të gjyqtarëve dhe prokurorëve kanë kërkuar materiale shtesë edhe sa i takon fëmijëve. Shumë prokurorë e gjyqtarë i kanë fëmijët jashtë shtetit apo kanë dhe prona në emër të tyre. Për këtë arsye, ILDKP u kërkuar që të dorëzojnë të dhënat mbi fëmijët, nga emri, datëlindja, vendbanimi etj. Ky proces duket se ka vonuar kontrollin, por ILDKP po bën një verifikim shumë të imtësishëm dhe kjo i ka tmerruar njerëzit e drejtësisë.

Dhjetra emra rrezikohen nga vetingu

Përveç ILDKP, edhe Drejtoria e Informacionit të Klasifikuar po avancon me verifikimet, pasi ka kërkuar edhe ndihmën e SHISH dhe prokurorisë për të kryer verifikim për të gjithë personat që dorëzuan. Por duke qenë se dhe ILDKP ka gjetur shumë mangësi me dokumentet, mjaft emra rrezikojnë që të humbasin detyrën pasi ligji i vetingut parashikon që ku ka dyshime për pasuri të vënë në mënyrë të jashtëligjshme, automatikisht largohet nga detyra. Nga ana tjetër, ILDKP ka kërkuar dhe ndihmën e Drejtorisë së Pastrimit të Parave, e cila po merret me verifikimin e llogarive bankare. Burimet thanë se për shumë emra janë dërguar disa letërporosi jashtë dhe kërkohet informacion mbi të dhënat e tyre. Disa gjyqtarë, mes të cilëve dhe Gjin Gjoni, kanë deklaruar se kanë llogari jashtë vendit dhe për ta po bëhet një verifikim shumë i imtësishëm. Pasi të jetë mbyllur procesi i verifikimeve dosjet do i dërgohen ndërkombëtarëve. Këta të fundit do të japin ndihmën e tyre, ndërsa më pas do jetë Komisioni i Kualifikimit ai që do japë vendimin përfundimtar. Secili emër do verifikohet dhe kur ka dyshime, do kërkohen të dhëna shtesë. Por me gjithë këto procedura, rrezikohet që vetingu të zvarritet, ndërkohë që gjithçka tani është në dorë të politikës, pasi ngritja e komisionit ad hoc është në pikëpyetje.