E fundit!

21:36 Aktualitet

Dita e 26 e protestës/ Nis marshimi në rrugët e Tiranës

Protestuesit dhe në ditën e 26 të protestët kundër qeveris...

Fëmijët me prona, studiojnë në shkolla të shtrenjta jashtë vendit/ Gjyqtarët dhe prokurorët kapen gafil, nuk justifikojnë pasuritë e deklaruara

2 Prill 2017, 09:00, Aktualitet CNA

Kanë kujtuar se do tja hedhin paq dhe se Vettingu është veç shakaja e rradhës, por kjo nuk po ndodh dhe për pasojë qindra pronësi që ata disponojnë rrezikojnë tu konfiskohen.

Bëhet fjalë për ato pasuri pronësore të cilave poseduesit e tyre gjyqtarë e prokurorë nuk ia justifikojnë dot burimin. Lajmi vjen për CityNews nga burime konfidenciale të ILDKKP dhe Drejtorisë së Informacionit të Klasifikuar, të cilat, pa dashur të identifikojnë emra konkret, konfirmojnë se një pjesë jo e pakët gjyqtarësh e prokurorësh rezultojnë të mangët në paraqitjen e shkresave të justifikimit të pasurive. Mangësia kryesore lidhet me deklarimin e burimit sesi i kanë vendosur këto pasuri,një detyrim ky që rrjedh nga ligji.

? Jemi në fazën kur kontigjentet e gjyqtarëve dhe prokurorëve e kanë përmbushur detyrimin e tyre ligjor. I kanë deklaruar pronësitë, kanë mbushur formularët, kanë dorëzuar dokumentat mirëpo na rezulton se një pjesë e madhe nuk i justifikojnë dot ato. Kjo nga që shkresat që ata kanë dorëzuar janë të paplota. Veçanërisht me mangësi të mëdha janë dokumentat që lidhen me pasuritë e të afërmve, një tjetër detyrim ligjor ky, që nuk ka qenë në ligjin e mëparshëm?.

Lidhur me praktikën që ndjek ILDKKP për këto raste, burimi i CityNwes shpjegoi se pas deklarimit dhe plotësimit të deklaratave individuale, inspektorët e këtyre insitucioneve i verifikojnë të dhenat e vetëdeklaruara në terren dhe për çdo mangësi, apo pikëpyetje, i drejtohen deklaruesit për plotësim të dhenash.

?Ju siguroj se këtë herë është krejtësisht ndryshe. Ka vendosmëri dhe seriozitet në verifkimin e çdo të dhëne, nuk ka anashkalim, por verifikim në detaje jo vetëm për personat por për gjithë familjarët, të afërmit, krushqit. Po më pyesni për ndonjë ?sekret?? Nuk është sekret ky që do tu them:Ka jo pak gjyqtarë e prokurorë fëmijët e të cilëve studiojnë jashtë Shqipërisë,nëpër shkolla që kushtojnë shumë-shumë. Sikurse ka fëmijë që ndonëse nuk kanë vite pune rezultojnë me prona në emër të tyre?Ka edhe të tjera ?sekrete? por duroni se shumë shpejt do ti merrni vesh?, thonë burimet konfidenciale të CityNews pranë dy institucioneve me peshë të kontrollit dhe verifikimit të pasurive.