web counter
LEXO PA REKLAMA!

SHKARKO APP

E fundit!

x

Rama: Kërkesa e PD, marrëzi për të bllokuar Vettingun/ Edhe pa të ka zgjedhje

2 Prill 2017, 16:21, Aktualitet CNA

Në komunikimin javor në rrjetin social, kryeministri Rama u ndal në zgjedhjet e lira e të ndershme, ndërsa citoi se meraku i tij më i madh mbetet bllokimi i Reformës në Drejtësi. Sipas tij, kërkesa e PD është një marrëzi, kjo për të bllokuar Vettingun dhe se opozita kërkon të rrëzojë pa zgjedhje një qeveri.

Ai u kthye pas në kohë, në vitin 2011, duke përmendur se PD i vodhi me KQZ dhe gjykata në Tiranë. Kryeministri, i prerë në fjalën e tij, tha se PD konteston zgedhjet që akoma nuk janë bërë.

Ai e ka cilësuar çadrën e protestës si një çadër tallavaje, ose si një strehë për të gjithë kur i zë nata.  Rama nënvizoi më tej se misioni i demokracisë nuk është për të shpëtuar shkatërrimin e Partisë Demokratike.

Kryeministri u shpreh se demokracia nuk ndalon dhe detyron askënd të hyjë në zgjedhje. ?Opozita është prodhimi i lirisë dhe askush nuk duhet të ketë frikë se Shqipëria mund të mbesë pa opozitë, edhe nëse Berisha dhe PD nuk do të futen në zgjedhje?, tha Rama. /CityNews





Lajmet e fundit nga