web counter
LEXO PA REKLAMA!

SHKARKO APP

App Store
Google Play

E fundit!

x

SHËNIM/Zyrtarët bëjnë zullumet, ne paguajmë paratë

2 Prill 2017, 11:12, Aktualitet CNA

Nuk janë pak por plot pesëdhjetë e tetë milionë euro, që të konvertuara në monedhën tonë i korespondojnë tetë miliardë lekëve, dëmi që zyrtarë të ndryshëm të administratës shtetërore i kanë shkaktuar buxhetit kryesisht nga humbja e gjyqeve me palët, gjatë vitit 2016. E dhena konfirmohet zyrtarisht nga raportet më të fundit të  Avokaturës së Shtetit dhe DAP, të cilat analizojnë veprimtarinë e administratës shtetërore gjatë vitit të shkuar.

Shuma e sipërpërmendur prej pesëdhjetë e tetë milion euro rezulton të ketë qenë viktimë e humbjes së gjyqeve me kompani të ndryshme private, por edhe nga fitimi i të drejtës së dëmshpërblimit prej zyrtarëve të administratës publike të shkarkuar padrejtësisht nga puna.

Këtu, natyrisht, nuk hyjnë  rreth gjashtëqind milion eurot që janë detyrim pagese për tetëdhjetë e dy dosjet e pronësive të trajtuara nga Gjykata e Strasburgut. Ka edhe të tjera detyrime të rrjedhura nga zullumet e grykësitë e zyrtarëve të administratës publike, për të cilat duhet të paguajm ne, taksapaguesit,  dhe jo ata, zyrtarët zullumqarët. Një paradoks i vërtetë ky që në vend ta frenojë fenomenin e shton zullumin për aq kohë sa përballimi i detyrimeve të rrjedhura nga vendimet e gjykatave të mos i faturohen zullumqarëve, domethenë zyrtarëve përgjegjës. /CityNews





Lajmet e fundit nga