web counter
LEXO PA REKLAMA!

SHKARKO APP

App Store
Google Play

Veliaj: Transformimi do vijojë me në krye Ramën

2 Prill 2017, 10:39, Aktualitet CNA

Në fjalën e marë në Asamblenë Kombëtare të Partisë Socialiste, kreu i Bashkisë së Tiranës, Erion Veliaj nuk i ka kursyer lëvdatat për kryeministrin Edi Rama. Sipas tij, Rama është kryeministri i fuqishëm që transformoi Shqipërinë, ndërsa çadra e PD kërkon ta kthejë vendin mbrapa.

?Sot kemi 35 çerdhe të reja në Tiranë. Pra u themi njerëzve është më mire në gjumë, apo të bëjmë punë. Sot kemi 27 kopshte të reja. Sot kemi në proces 20 shkolla të reja. Ne mund të prekim ëndrrën për të mos bërë mësim me 2 turne. Do ndërtojmë 140 shkolla të reja. Di t’ju them se ne e dimë shumë mirë çfarë do të thotë të mos i marrësh seriozisht punët.

Ne dimë çfarë ndodhi me “Zogun e Zi” në Tiranë. Ne nuk harrojmë vjedhjen e zgjedhjeve. Ndaj miqtë e mi mos ushqeni iluzion, pasi vetëm qeveria e Ramës do vazhdonte transformimin e qyteteve tona. Nuk ka kthim mbrapa.

Sot është krenari të shkosh dhe në fshat. Sot komunat përreth Tiranës me qeverinë e Ramës janë urbanizuar. Të gjitha këto mund të ndërpriten nëse nuk kemi mbështetjen e qeverisë dhe të Edi Ramës.

Të gjitha bashkitë që drejtohen nga PS, janë në krye të detyrës. PD hoqi çekun e bebes. Ne respektojmë çdo qenie qe vjen ne qytetet tona.

Për pak ditë do hapim në Tiranë parkun olimpik. Puna flet më shumë se fjala. Edi e tha shumë qartë, le ti mbajnë partitë per vete, ne duam ato parti që bëjnë punë?, tha Veliaj. /CityNews 





Lajmet e fundit nga