E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

Lap-topet e blera me taksat e shqiptarëve përfundojnë tek “dashnoret” e deputetëve

2 Prill 2017, 11:44, Aktualitet CNA

Asnjë kokërr laptopi nuk sheh të jetë prezent mbi tryezat e deputetëve të Parlamentit shqiptar, megjithese për pajisjen e tyre, me një të tillë janë harxhuar jo pak, por gjashtëdhjetë milion lekë të nxjerra nga buxheti i taksapaguesve më të varfër të kontinentit.

Mjaft të ndiqni me vëmendje seancat plenare dhe do të shihni se përpara çdo deputeti qëndron veç aparati i komunikimit, i pajisur me mikrofon dhe dy butona, diku një tufë letrash, ndonjë aparat celulari dhe asgjë më shumë.

Një dekor i varfër ky, që, pas një periudhe disa vjeçare kompjuterizimi, e ka rikthyer Parlamentin në ?bio?. Mos ndoshta nga që drejtuesi i tij pas 2013, Ilir Meta si skrapalli që është, nuk e ka qejf modernitetin?

Një pyetje e natyrshme kjo kur kujton se në të kundërt të tij, në kuadër të teknologjisë bashkëkohore, ish paraardhësja shkodrane Jozefina Topalli, i pajisi me komjuter të 140 deputetët e këtij Parlamenti.

Kompjutera që sot nuk i sheh gjëkundi, por jo për faktin se Ilir Meta është kundër futjes së teknologjisë moderne, përgjigjen për CityNews, punonjës të administratës së Parlamentit.

Duke konfirmuar urdhër-dhënien e Ilir Metës për heqjen e 140 komjuterave nga salla e seancave plenare dhe zëvendësimin e tyre me tableta, ose laptope, në varësi kjo nga dëshira e çdo deputeti, çmimi i të cilëve varionte nga 300 deri në 400,500 euro.

Kjo ka ndodhur në vitin 2014 dhe pajisja me aparate më bashkëkohore se kompjuterat i bëri më modern përfaqësuesit e popullit, duke ngjallur shpresën se me laptopa apo tableta do të kontribuonin më shumë në zgjidhjen e halleve të popullit. Shpresë kjo që është ende në fuqi, ndërkohë që laptopet e tabletat janë zhdukur nga salla e Parlamentit. Për çfarë motivi?

Mos deputetët i kanë nxjerrë tepër? Apo mos kanë konstatuar se janë pikërisht këto aparatura moderne që ndikojnë në mos ecjen e punëve dhe mosmarrëveshjet sistematike midis pozitës dhe ekspozitës?

Po pse të mos mendojmë se një pjesë e tyre ja kanë falur të tretëve jashtë parlamentit, mikeshave, shoqeve, ?dashnoreve???

Ku i dihet, kudo mund të kenë përfunduar laptopet apo tabletat e kohës së Ilir Metës, por e sigurt është se i vetmi që nuk e ka hedhur pas krahëve tabletën është Doktor Berisha. Të cilit, ia shohim duke e vërtitur midis duarve në çdo seancë plenare, madje edhe sakaq kur ndodhet në ?çadrën e lirisë?, që ka zëvendësuar sallën e Parlamentit./CityNews