Henri Çili merr me të mirë Berishën pas sulmit/ Do të votoja ty nëse…

31 Mars 2017, 09:29, Aktualitet CNA

Administratori i UET dhe botuesi i ?Mapo?, Henri Çili, përmes një shkrimi të detajuar i është kundërpërgjigjur me të njëjtën monedhë akuzave të parashtruara një ditë më parë nga ish-kryeministri Berisha, në çadrën e protestës. Me një gjuhë të pastër dhe të drejtëpërdrejtë, Henri Çili argumenton se Universiteti Europian i Tiranës është i papolitizuar, dhe se askujt nuk i mohohet jashtë auditorëve angazhimi publik për kauza të ndryshme publike apo politike. Berisha hodhi shashkën e radhës, duke theksuar se Edi Rama ka krijuar mafien e tij.

Ndonëse kjo akuzë u hodh në ajër, pa u përmendur me emër të përvetçëm, Henri Çili e ka marrë personale, e për këtë ka tre argumenta të forta pse e ka mbështetur PD prej vitit 2001. Në morinë e argumentave të tij bie në sy edhe përkrahja dhe mbështetja që i ka dhënë ndër vite, ndërsa citon se ?nëse Sali Berisha do të ishte kryetar i opozitës; do të votoja përsëri Sali Berishën, nëse do të rikthehej kundrejt Edi Ramës?. Duke treguar se është i hapur dhe tejet realist, botuesi i ?Mapo?-s thotë se ndryshe nga tezat populiste me të cilat kryeministri Rama erdhi në pushtet, ai adaptoi disa qasje liberalizuese brenda frymës së majtë.

?Këtë kurs reformues në shumicën dërrmuese dhe reformat kryesore të vendit, përjashto taksën progresive, shëndetësinë falas dhe frymën etatiste të administratës qendrore, e kam mbështetur, përshëndetur, përfshi këtu edhe reformën universitare ?Rama?. Kjo më bën të jem krejt i hapur dhe të mendoj se cikli reformues i Ramës duhet të vazhdojë edhe një mandat tjetër. E gjitha kjo në kontekstin e një lideri të ri të opozitës, Lulzim Basha dhe të Partisë Demokratike në përgjithësi, e cila fatkeqësisht është infektuar rrugës nga populizma gjithfarësoj, nga punizma gjithfarësoj, ekologjizma gjithfarësoj, krejtësisht jashtë frymës së qendrës së djathtë dhe të partisë së tregut të lirë dhe lirive dhe të drejtave të njeriut që ju themeluat me studentët dhe dhjetoristët dhe intelektualët e tjerë të dhjetorit, me Gramoz Pashko e të tjerë?.

Ndonëse ai hedh lavde ndaj Berishës, të njëjtën mendim nuk ka për Bashën. ?Veçanërisht e turpshme më është dukur që Partia Demokratike dhe lideri i saj aktual Lulzim Basha, ka braktisur idetë tuaja për reformën në arsimin e lartë, duke u ndikuar nga ?oligarkia? puniste dhe regresive e universiteteve shtetërore, e përfaqësuar në mënyrën më të plotë nga ulërimat në Facebook të profesor doktor Artan Fugës: ?Arsim publik falas?, përfundon ai. Në këtë ballafaqim, ai zgjedh që të mos ndjekë Bashën, dhe se parimi i universitetit është që të jenë neutralë. /CityNews