web counter
LEXO PA REKLAMA!

SHKARKO APP

App Store
Google Play

E fundit!

x

Nga: Xhovani SHYTI/ Fytyra e “padeshifruar” e LSI-së

31 Mars 2017, 07:52, Aktualitet CNA

Sa më shumë afrohet data 18 Prill aq më shumë Lëvizja Socialiste për Integrim e shton intensitetin e hedhjes së vicklave, duke luajtur ?fytyrën e padeshifrur?, me të vetmin qëllim, tashmë të lexuar qartë, për të përfituar sa më shumë thela nga ?martesa? e rradhës. Nga vijimi i koalicionit me aleaten e këtyre katër viteve të shkuara PS, nga ndonjë koalicion i ri, apo duke dalë e vetme kjo mbetet për tu parë nga qëndrimi që LSI do të mbajë në 18 Prill 2017, që është edhe afati i fundit i rregjistrimit të koalicioneve në KQZ.

Megjithse nga kabineti i politikave të kësaj partie nuk ka pothuajse asnjë grimcë lajmi për të deshifruar qartazi lojën e pritëshme politike të projektuar nga Iir Meta, për zgjedhjet e 18 Qershorit, i dukshëm është fakti i ekzistencës së një lloj kakofonie të krijuar nga pjesë të rendësishme të strukturës drejtuese të LSI. Me rezultante të përbashkët krijimin e përshtypjes së ajo nuk është më një forcë politike minore e ndërvarur nga PS apo dhe PD, por një forcë e maturuar e që mund të marrë në dorë qeverisjen e vendit.

Shihni pozicionet: Duke kopjuar ?mençurinë? dhe ?urtësinë? e baballarëve të teqeve, Ilir Meta, nuk jep asnjë përgjigje të drejtëpërdrejtë rreth fatit të mëtejshëm të vijimësisë së koalicionit PS-LSI. Herë thotë se ai do vijojë në shumëvjetësi, herë se këtë do ta vendosin formumet në kohën e caktuar, herë se në këtë koalicion LSI ndjehet si në shtëpinë e saj etj. sofizma, pa përcaktuar asgjë konkrete se çdo të ndodhë në 18 Prill.

Në opozicion me këtë qendrim të moralit bektashian të kryetarit Meta: ?Me qetësi e dashuri?, të tjerë përbërës të lidershipit të kësaj partie, kalojnë skajshmërisht në të kundërt. Jo më larg se dje, Monika Kryemadhi Meta, që është dhe bashkëshortja e drejtuesit të LSI, si edhe Luan Rama, zv.kryetar i dytë dhe kryetar i grupit parlamentar të LSI, pas vlerësimit se: Nuk mund të pranohen zgjedhje të njëanëshme pa opozitën, perifrazuan sinjale rreth qendrimit dhe asaj çfarë synon LSI në zgjedhjet e pritëshme.

Kryemadhi është shprehur se LSI synon që burri i saj, Ilir Meta të jetë kryeministër dhe LSI të ketë dyzetë deputetë në Parlament, duke dalë forcë e parë, por dhe se në zgjedhjet 2017 duhet të dilet vetëm dhe pastaj të përcaktohen koalicionet.

Ndërkohë në sinkron kohor me Kryemadhin ka qenë edhe Luan Rama, i cili, pasi është shprehur se: ?Pa opozitën zgjedhjet nuk mund të bëhen??, lidhur me pozicionimin e LSI ka thenë:? Do ta shihni shumë shpejt koalicionin e ri , shumë shpejt do ta zbulojmë?, ndërkohë që deputeti Spartak Braho, ka dalë kundër Ilir Metës duke kërkuar koalicionin me PS-në. Një kakofoni deklaratash e qëndrimesh që as vetë shpikësi i ligjërimit nuk i merr vesh./ CityNews





Lajmet e fundit nga