web counter
LEXO PA REKLAMA!

SHKARKO APP

App Store
Google Play

GJYNAHET E PARTIVE POLITIKE/ Ja cilat i kanë fshehur raportet financiare

31 Mars 2017, 09:07, Aktualitet CNA

Partitë politike vijojnë të mos zbatojnë ligjin për transparencën financiare edhe pse   kanë kaluar  tetë vite nga hyrja në fuqi e tij, duke ngritur  dyshime se për të ekzistuar ato shfrytëzojnë fonde dhe të ardhura të nxjerra nga aktivitete antiligjore. E dhëna vjen nga Komisioni Qendror i Zgjedhjeve, sipas raportit më të fundit të të cilit del se vetëm 26 parti politike i kanë deklaruar të ardhurat financiare. Vetëm 14 prej tyre kanë paraqitur pasqyra të rregullta. Raporti i KQZ është i vitit 2016, kurse analiza financiare i përket atij 2015.

?…Nga 125 parti politike të regjistruara në Gjykatë e Rrethit Tiranë për vitin kalendarik 2015  në KQZ kanë dorëzuar raportet vjetore financiare vetëm 26 parti politike?, lexohet në raport, ku identifikohen edhe partitë respektive.

Kështu si dorëzuese të bilanceve rezultojnë partitë: Lëvizja Socialiste për Integrim, Partia e Dmokratike, Partia Socialiste , Fryma e Re Demokratike, Partia Bashkimi për të Drejtat e Njeriut, Partia Demokracia Sociale, Aleanca Kuq e Zi, Partia Aleanca Popullore, Partia Forca Rinia, Partia Kristian-demokrate, Partia për Drejtësi, Integrim dhe Unitet, Partia Demokristiane, Partia Aleanca për Barazi dhe Drejtësi Evropiane, Partia Balli Kombëtar, Partia Balli Kombëtar Demokrat, Partia Emigracioni, Partia Fronti i Majtë, Partia G99, Partia Komuniste, Partia Lëvizja Punëtore, Partia MEGA, Partia Aleanca Demokristiane, Partia Personat me Aftësi të Kufizuara, Partia Popullore Kristiandemokrate, Partia Republikane , Partia Socialpunëtore, Partia Toleranca e Re, Partia Socialdemokrate?.

Po gjynahet e partive politike nuk mbarojnë këtu. Në përfundim të procesit të verifikimit KQZ ka zbuluar, gjithashtu, se ndër 124 parti me 74 prej tyre ekspertët kontabël nuk ka qenë e mundur të kontaktoheshin, kurse për 36 parti ka deklaratë të kryetarit të partisë ose të të autorizuarit të tij me shënimin: partia nuk ka përfituar dhe shpenzuar fonde./CityNews





Lajmet e fundit nga