Gjykata e Apelit administrativ të Tiranës me dy standarte

31 Mars 2017, 10:35, Aktualitet CNA

Gjykata Administrative e Faktit i jep të drejtën ligjore, kurse simotra e saj e Apelit e mban pezull, apo e rrëzon vendimin pasi nuk i do qejfi gjyqtarit të çështjes.

Fjala është për lojën me dy standarte, që jo pak herë luhet në ambientet e Gjykatës së Apelit të Tiranës, me çështje të ndryshme. Tregojnë psh se krahas faktit që pjesa dërmuese e individëve e ka fituar edhe në Apel të drejtën ligjore të vendimuar nga Gjykatën Administrative e Faktit për të përfituar shpërblimin e mohuar për ditët e festave, të pushimeve, apo të orëve jashtë orarit të papaguara, ka të tjerë që për po po të njejtën praktikë juridike sorollaten, ose edhe i mohohet kjo e drejtë ligjore.

Por me dy standarte veprohet edhe për të tjera çështje që lidhen me pushimin nga puna. Ku disave u hidhet poshtë e drejta e përfitimit ligjor dhe disave jo.

Tingëllon si absurd juridik ky por, në fakt, është e vërteta e një fakti të denoncuar për CityNews, nga disa qytetar. Janë raste, pjesë e një fenomeni ekzistencial, që flet për dy standartet e gjykimit me të cilët ndeshen qytetarët.

Ka ndodhur psh që për po të njejtën çështje: përfitim shpërblimesh të mohuara për ditë festash, për punë jashtë orarit dhe orë pushimesh të pakryera, në përgjithësi trupat shqyertuese të Gjykatës Administrative të Apelit kanë lenë në fuqi vendimet e Faktit, sikurse rezultojnë dhe raste që po për të njejtës çështje trupa gjykuese ka qenë krejt e kundërt në vendimarrje.

Kjo, ndërkohë që trupat gjykuese të gjykatave administrative të faktit i bazojnë vendimet në materialet që paraqesin ekspertët kontabël të caktuar prej tyre. Këta ekspertë janë kompetentë ligjor ndaj dhe analizat e sjella prej tyre i bashkëngjiten vendimmarrjes duke shërbyer si bazament i arsyetimit juridik.

Ekspertizat e ekspertëve ligjore mbështeten tek Kodi i Punës etj. akte ligjore e nënligjore që specifikojnë madje edhe masën e shpërblimit për çdo rast,të sipërpërmendur, bazuar në kartelën personale të financës të marrë nga institucioni përkatës.

Kjo është edhe arsyeja që në pjesën dërmuese vendimet e këtij lloji të dhëna nga Gjykatat e Fakti nuk kundërshtohen nga Apeli, që shqyrtimin e çështjeve të relatuara e bën brenda një sallë me tre gjyqtarë e një relator të cilët vendosin me vota, si në një tender.

Mirëpo ka edhe raste që ndodh e kundërta, pra që të njejtët çështje gjyqësore trupat gjykuese të së njejtës Gjykatë Apeli i mbajnë pezull, i zvarrisin, madje edhe i rrëzojnë, duke dalë në kundërshtim me përcaktimin e ekspertëve dhe duke hedhur poshtë vendimet e gjykatave administrative të Faktit, sepse nuk i do qejfi njerit apo tjetrit pjesëtar të treshes gjykuese.

Në vijim të ndjekjes së të tilla rasteve CityNeës në ditët në vazhdim do të jap raste konkrete të trupave gjykuese dhe gjyqtarëve konkret të cilët i aplikojnë marifete të tilla. /CityNews