web counter
LEXO PA REKLAMA!

SHKARKO APP

App Store
Google Play

Sërish përplasje në koalicion/Luan Rama i përgjigjet prerë Gramoz Ruçit

28 Mars 2017, 18:36, Aktualitet CNA

Përplasja mes dy partive më të mëdha të koalicionit qeverisës, PS dhe LSI, vijon të rritet. Kreu i grupit parlamentar të PS, Gramoz Ruçi, tha sot se Partia Socialiste do të futet në zgjedhje pa apo pa LSI dhe do të jetë fitimtare.

Të njëjtën gjë përsëriti dhe deputeti i PS-së, Erjon Braçe, i cili shprehte bindjen se PS do të hyjë në zgjedhje. Në përgjigje të këtyre deklaratave, nënkryetari i LSI-së, Luan Rama, shprehet se nuk ka njeri me logjikë e arsyetim racional që të mendojë të zhvillojë zgjedhje pa opozitën në 2017-ën.

Ai tha prerë për ?Vizion Plus? se zgjedhje pa opozitën nuk do të ketë as në Kavajë më 7 maj, dhe jo më në qershor.

?Nuk e mendoj që ka në Shqipëri ndonjë njeri me logjikë arsyetimi racionale, që të mendojë që në 2017 Shqipëria mund të zhvillojë zgjedhje pa opozitën. Natyrisht ka një problem të madh, klasa politike në vend, sepse problemi më i madh është që është vrarë besimi, pra mungesa e besimit e krijon të gjithë këtë situatë, dhe është në përgjegjësinë e mazhorancës të demonstrojë konkretisht, hapa për të rikthyer besimin tek qytetarët në radhë të pare tek opozita, që zgjedhjet do të jenë në përputhje me standardet dhe do të garantojnë, jo vetëm shprehjen reale, por edhe leximin real të vullnetit të popullit. Shqiptarët duhet të ftohen në zgjedhje për të zgjedhur, jo thjesht për të votuar.

Në politikë unë mendoj se asnjëherë kurrë nuk duhet thënë kurrë. Gjithmonë ka hapësira ende të pashfrytëzuara për të gjetur zgjidhje dhe për të bërë zgjedhje shumë racionale në të mirë e interes të vendit. Ajo çfarë është e rëndësishme dhe që duhet të udhëheqë të gjithë qëndrimin politik dhe sjelljen politike është interesi i vendit. Çdo interes tjetër nuk mund të prevalojë mbi interesin e vendit dhe ju mos prisni që unë të them atë që nuk do ta thoja kurrë që, mazhoranca, qeverisja apo LSI-ja janë më të rëndësishëm se Shqipëria. Shqipëria ka nevojë për përgjegjshmëri dhe jo aventurë politike?, tha Luan Rama./CityNews





Lajmet e fundit nga