E fundit!

08:20 Aktualitet

Seancë e ngarkuar në Kuvend/ Shqyrtohen sot 24 pika të rendit të ditës

Kuvendi i Shqipërisë mblidhet këtë të enjte më 16 korrik, ...

Paskal Milo “shpërthen” ndaj Ramës/Nënvlerësuat me cinizëm protestën e PD

11 Mars 2017, 09:50, Aktualitet CNA

Kreu i Partisë Demokracia Sociale, Paskal Milo, ka komentuar situatën politike në vend.

Milo deklaroi se kriza po shkon drejt përshkallëzimit dhe mazhoranca me cinizëm po e nënvlerëson.

Në studion e ?Report Tv?, Milo u shpreh se populli ka një zhgënjim të madh nga politika, pasi i ka provuar të dyja palët.

?Kriza po shkon drejt përshkallëzimit. Mazhoranca me cinizëm e nënvlerësoi, tashmë ka arritur në një pikë që mund të shkaktojë jo trazira sociale, të cilat s’dua t’i besoj sepse populli është kaq i mençur të mos shkojë dhe të bëhet pre e ambicieve politike të njërës apo tjetrës palë. Sot në 2017-ën, shqiptarët nuk janë si 26 vjet më parë që u besonin politikanëve. Populli ka një zhgënjim të madh nga politika, i ka provuar të dyja palët, por sigurisht që ka ende qarqe të vijojnë ta kenë kokën të nxehtë dhe janë të gatshëm të hidhen në aventura. Por, nuk besoj se kjo krizë do të ketë dimensione sociale. E shoh krizën në aspektin politik. PD për të arritur objektivat e saj në funksion të 18 qershorit ka mobilizuar strukturat për ta mbajtur tensionin të lartë për dy arsye, për t’i pasur të përgatitur për zgjedhjet, të mbajë larg tonin dhe të përgatisë atmosferën për zgjedhjet që PD të shfaqet si aktor politik pretendues.

Basha e ka sfidë personale këtë protestë, nuk ka rrugë tjetër, por dhe z.Berisha dhe një numër politikanësh të PD, kanë probleme dhe mendojnë se do kenë probleme në rastin kur Vettingu do mund të zbatohet. Do fillojë me gjyqtarët dhe prokurorët dhe më pas do të marrë në konsideratë edhe aktorë politikë. Për të gjitha këto gjëra, njerëz të veçantë të PD kërkojnë që të ngrenë frymën e protestës që i kanë këto synime dhe në këtë kuadër ajo që do ta pësojë në këtë rast është, duan që procesin zgjedhor ta komprometojnë. Thotë s’do bojkotojë, por s’do ketë zgjedhje pasi ne s’do lejojmë mazhorancën që të bëjë zgjedhje. Është një strategji. Nëse deri në 9 prill, partitë e opozitës nuk regjistrohen, humbet të drejtën për të marrë pjesë në zgjedhjet parlamentare. Nëse deri në 21 prill nuk çojnë koalicionet, nuk marrin pjesë si koalicione në zgjedhje?, tha Milo./CityNews