web counter
LEXO PA REKLAMA!

SHKARKO APP

App Store
Google Play

E fundit!

x

Rilindja: Bum eksportesh shqiptare drejt Libisë

11 Mars 2017, 08:30, Aktualitet CNA

Autoriteti portual Durrës njofton se vetëm gjatë 2 muajve të parë të vitit 2017 kemi një bum të vërtetë eksportesh drejt Libisë. Vetëm këto dy muaj janë eksportuar nga Durrësi në Libi 54 000 ton cimento, krahasuar me 89 000 ton cimento të eksportuara gjatë gjithë vitit 2016. Drejt porteve libiane ngarkuar me cimento shqiptare kanë lundruar 4 anije të ndryshme me 10 rejse (udhëtime vajtje ardhje) gjithsejt.

Anijet janë : Vela 1 me flamur të Moldavisë, por pronë e një kompanie shqiptare, me ekujpazh shqiptar, anija Seaven Luck me flamur panamez, anija Edro IV me flamur shqiptar dhe anija Sirios Cement me flamur maltez. Me sa duket Libia është përfshirë në një bum ndërtimesh, që importon kaq shumë cimento prodhim shqiptar.

Thksojmë se kontaktet tregtare Shqipëri-Libi përfshijnë edhe eksportin e mallrave të tjera nga Shqipëria për në Libi si edhe importimin e mallrave libiane në Shqipëri. Artikulli nr. 1 i eksportit libian drejt Shqipërisë është skrapi i metaleve të metalurgjisë së zezë, kryesisht skrap armatime dhe teknike luftarake e dalë jashtë përdorimit me raste edhe e demontuar si psh. skarapi i eksportuar në 28 shkurt nga porti libian i Mizuaratës drejt Durrësit me anijen Laohar Rima me flamur të Sierra Leones.

Ky bum eksportesh ?Made in Albania? drejt Libisë është një tregues i rëndësishëm, që politikat ekonomike të Rilindjes së kryeminsitrit Rama po japin fryt përsa i përket rilindjes së ekonomisë shqiptare të orientuar drejt eksportit duke filluar që nga produktet bujqësore si psh. bari drejt tregjeve europiane e deri te ato industriale si cimentoja për në Libi./Nga GJERGJ THANASI





Lajmet e fundit nga