E fundit!

07:28 Aktualitet

Shteti duhet të paguajë 180 milionë euro për arbitrazhet ndërkombëtare

Detyrimet që lidhen me vendimet e arbitrazheve ndërkombëta...

Dhuratat marramendëse/ Zbehet fuqia e unazës me diamante

11 Mars 2017, 08:37, Aktualitet CNA

A mund të ketë diçka më të mirë se diamanti? Çfarë mund ta zëvendësojë atë?

Që t?u bëjnë sa më shumë përshtypje femrave të tyre, pallonjtë meshkuj hapin pendët e tyre; sorrat përpiqen duke ndërruar çerdhet e tyre të dashurisë, ndërsa merimangat mundohen të kapin sa më shumë miza në rrjetën e tyre të mëndafshtë. Rituale të tilla vardisjeje luajnë rol kyç në atë që Charles Darwin e quan përzgjedhje seksuale: kur për të bërë për vete femrën e një specieje të caktuar, mashkullit i duhet që të tregojë të gjitha aftësitë e tij, që të bjerë sa më shumë në sy, në mënyrë të tillë që të përzgjidhet prej saj, shkruan The Economist.
Për sa i përket racës njerëzore, format e ndryshme me shumë prerje të kristaleve duket se funksionojnë më së miri. Një unazë me diamante tregon fillimisht shijen e hollë të përzgjedhjes së dhuratës tek një mashkull, pasurinë dhe angazhimin e tij për të bërë për vete një femër.
Një dhuratë e tillë e veçantë u reklamua më së shumti nga kompania lider në botë në tregtimin e diamanteve, De Beers, e cila ka shitur pothuajse të gjithë diamantet e botës gjatë shekullit të 20.
Në vitin 1930, ajo nisi të promovojë lidhjen e ngushtë midis diamanteve dhe martesës.
Sipas saj, fortësia e diamanteve simbolizon jetëgjatësinë e dashurisë, ndërsa ?shkëlqimi i tyre?, pasionin. Sipas kompanisë, pagesa e dy muajve ishte kostoja e një unaze me diamante, por mbi të gjitha, blerja e një diamanti është investimi i duhur sepse ?Diamanti zgjat për gjithë jetën?.
Por, në ditët e sotme, shkëlqimi i tij duket sikur po zbehet. Edhe pse klasa e mesme e shoqërisë kineze po rritet nga dita në ditë, gjë kjo që mund të çonte në rritje të kërkesës, për Gjeneratën Y, një gjë e tillë nuk po shihet fare me interes. Imazhi i diamanteve është dëmtuar shumë nga disa publikime të kohëve të fundit, sipas të cilave, nxjerrja e diamanteve në zona të caktuara paguhet me jetë njerëzish.
Por kërcënimi më i madh për diamantet është se çmimet e tyre mund të pësojnë rënie.
Gjatë viteve të fundit, rregullatorët kanë dëmtuar kartelin De Beers duke minimizuar blerjen e aksioneve të prodhuesve të gurëve të tjerë prej saj.
Ajo i ka ulur kostot e shpenzimeve të reklamave, duke qenë se nuk po merr po të njëjtat fryte fitimi si më parë.
Çmimi i lartë i diamanteve vjen nga fakti se ato gjenden rrallë dhe sepse pëlqehen shumë. Sipas zhargonit të termave ekonomikë, ata njihen si ?Mallra Veblen?*, që e kanë marrë emrin sipas një ekonomisti të shekullit të 19. Nëse në pjesën më të madhe të produkteve, ulja e çmimeve do të rriste kërkesën, në rastin e diamanteve do ta vriste atë.
Nëse më parë, diamanti ishte simbol i martesës, po në ditët e sotme, çfarë mund ta zëvendësojë atë?
Një dhuratë tjetër, ndoshta. Në Kinë, raportet meshkuj-femra, tregojnë se një mashkull, para se të martohet duhet të ketë një apartament dhe ?ta mbulojë? gruan e tij të ardhshme me para. Por, guri i çmuar, është dhuratë vetëm për femrën dhe jo për familjen e saj. Por një unazë me diamante është më shumë sesa një stoli e thjeshtë, ajo është një simbol-status, që tregon që mashkulli, jo vetëm që është i aftë të mbulojë shpenzimet e martesës, por të shkojë përtej.
Përveç formave të ndryshme që mund të përdorë një mashkull për të bërë për vete një femër, ai duhet të tregojë mbi të gjitha përkushtim ndaj saj. Gangsterët e El Salvadorit bënin tatuazhe nga më të ndryshmet; Gangsterët e Japonisë të njohur me emrin ?yakuza? prisnin mollëzat e gishtërinjve të tyre.

Dashuria është e larmishme

Shumë femra të këtij mijëvjeçari kërkojnë që partneri i tyre të jetë sa më kreativ dhe të ketë të ardhura të mjaftueshme për të jetuar më vete.
Ndërsa për disa meshkuj të tjerë që nuk i kanë cilësitë e mësipërme, një zgjidhje e mirë do të ishte llogaria e përbashkët Uber. Kjo është edhe një metodë e mirë për të ditur se ku ndodhet partneri në një moment të caktuar gjatë ditës. Ajo që në fund të fundit do të zëvendësojë diamantet do të jetë, padyshim, teknologjia dixhitale./Monitor