web counter
LEXO PA REKLAMA!

SHKARKO APP

App Store
Google Play

Kakavijë, Merepeza takon homologen greke/Ja masat që do merren

11 Mars 2017, 09:34, Aktualitet CNA

Një takim dy palësh po zhvillohet në pikën kufitare të Kakavijës, mes Policisë Kufitare Shqiptare dhe Policisë Kufitare Greke.

Policia Kufitare Shqiptare përfaqësohet nga Drejtori i Përgjithshëm për Kufirin dhe Migracionin Drejtues i Lartë, Genc Merepeza, ndërsa Policia Kufitare Greke përfaqësohet nga Drejtoresha e Kufirit e Policisë Greke, znj. Zaharoula Tsirigoti.

Takimi zhvillohet në të dy anët e kufirit (krahu Shqiptar dhe krahu Grek) me qëllim dhënien e mesazhit që nga ana e 2 policive do të merren masat maksimale për kalimin në një kohë sa më të shpejtë të shtetasve në të dy anët e kufirit, shmangien e procedurave të tepërta, si dhe respektimin e rregullave të Shengenit.

Këto masa lehtësuese ndërmerren për të shmangur radhët e gjata në raste fluksi pasi po afrohen festat e pashkëve, sesoni veror e turistik dhe pritet që të rritet fluksi i kalimit në pikat kufitare midis vendeve tona.

Takimi në të dyja anët e kufirit si dhe me prezencë të medias ka për qëllim të përcjellë mesazhin e bashkëpunimit dhe të gatishmërisë nga të dyja palët për të eliminuar vonesat artificiale duke shmangur në këtë mënyrë radhët e gjata që janë evidentuar gjatë viteve të kaluara në raste fluksi./CityNews





Lajmet e fundit nga