web counter
LEXO PA REKLAMA!

SHKARKO APP

App Store
Google Play

E fundit!

x

Rama shkatërroi arsimin/Ja modeli rrëqethës i tij

7 Mars 2017, 12:26, Aktualitet CNA

Në ditën e 18 të protestës kreu i PD, Lulzim Basha, ka mbajtur një deklaratë për të pranishmit. Duke përfituar edhe nga dita e 7 marsit, Basha është ndalur te problematikat e arsimit në Shqipëri.

Sipas tij, qeveria Rama ka ulur poshtë figurën e mësuesit në këto 4 vite qeverisje. Ai gjithashtu ka rikujtuar skandalet që kanë ndodhur në këto 4 vite, duke i konsideruar si ?skandale rrënqethëse??.
Basha: Në këto katër vite si asnjëherë më parë janë zbuluar skandale rrënqethëse, ku mësuesve u është kërkuar jo vetëm të paguajnë për vendin e punës por deri edhe favore seksuale ndaj pushtetarëve të babëzitur dhe të degjeruar. Kurrë më parë në histori nuk ka rënë kaq poshtë figura e mësuesit, figura e pedagogut. Kurrë më parë nxnënësit nuk kanë qenë kaq të braktisur, të harruar, kaq të lënë pas dore dhe në mëshirë të fatit nga një qeveri që ka ngritur në piedestal modelin e krimit dhe kriminelit në pushtet.

Basha kujtoi se kombi shqiptar është kombi që harxhon më shumë për arsimimin sesa çdo komb tjetër europian.

Basha: Sot ditën e mësuesit është vendi të kujtojmë se pse shqiptarët e adhurojnë kaq shumë arsimin dhe dijen. Jemi kombi, ku familjarët harxhojnë më shumë se çdo komb tjetër për arsimin. Shqiptari heq nga buka e gojës për të investuar në arsimimin e fëmijëve. E dimë që rruga drejt të ardhmes kalon prëmes dijes, arsimit, shkencës.

Por përkundër këtij modeli, shtoi Basha, Rama vuri përballë antimodelin e kriminelit në pushtet.
Basha: Përkundër këtij modeli historik që na nderon si komb, qeveria e Ramës ndërtoi antimodelin e vesit më të pistë në historinë tonë kombëtare. Në vend të modelit të pedagogut, mësuesit, studentit, nxënësit, shkencës, ai solli modelin e diplomës falso, modelin e të pashkollit, nepotizimit, të korruptuarit dhe gjëma më e madhe, modelin e kriminelit me pushtet./CityNews





Lajmet e fundit nga