web counter
LEXO PA REKLAMA!

SHKARKO APP

E fundit!

x

Krimi makabër në Bërzhitë/ Zbardhen detajet tronditëse

7 Mars 2017, 10:05, Aktualitet CNA

Lidhur me vrasjen e të moshuarës në Bërzhitë, blutë e Tiranës kanë shoqëruar në polici 20 persona për tu marrë në pyetje. Familjarët e viktimës F.N, 74 vjeçe, kanë treguar se e moshuara jetonte vetëm prej vitesh dhe se ajo ishte dhunuar dhe grabitur dhe përpara dy vitesh.

Mbrëmjen e së hënës, 6 mars 2017, e moshuara u gjet e vdekur në banesën e saj dhe e lidhur këmbë dhe duar. ?Nga kqyrja paraprake e kufomës dyshohet se e moshuara është lidhur këmbë e duar dhe dyshohet se vdekja ka ardhur si pasojë e asfiksisë si pasojë e bllokimit të rrugëve respiratore. Nga informacionet e marra, kjo shtetase jetonte e vetme (e ve)?, sqaroi policia.

Ajo pak ditë më parë kishte shitur disa bagëti dhe grabitësit duket se e kanë marrë vesh dhe kanë shkuar për ta grabitur. Siç kanë dëshmuar të afërmit e viktimës, ajo jetonte e vetme, pasi kishte ngelur e ve që në rini. Gruaja nuk kishte fëmijë, ndërsa jetonte me blegtori.

Të afërmit kanë treguar se ajo ishte grabitur edhe 2 vite më parë, ku i ishin marrë 2 milionë lekë, por policia nuk kishte bërë asnjë gjë. Ka qenë kryeplaku i fshatit që ka vënë re mungesën e saj. /CityNews 

 

 





Lajmet e fundit nga