web counter
LEXO PA REKLAMA!

SHKARKO APP

App Store
Google Play

E fundit!

x

Bankat fituan miliona mbi kurrizin e kosovarëve të varfër

7 Mars 2017, 10:53, Aktualitet CNA

TREGU PROFITABIL BANKAR DHE INDIFERENCA E BQK-SË

Shumica e bankave me kapital të huaj

Ekspertë të ekonomisë dhe përfaqësues të shoqatave të bizneseve kanë bërë akuza në adresë të drejtuesve të bankave komerciale se kanë abuzuar me normat e interesit për përfitime enorme të tyre dhe në dëm të kompanive dhe të qytetarëve. Ata thonë se bankat komerciale nuk ishin gjeneratorë i madh i punësimit, përkundër përfitimeve të mëdha nga kamatat e larta. Analistët thonë se bankat edhe pse fituan shumë, në veçanti këto vitet e fundit i reduktuan tej mase vendet e punës, me arsyetimin e kjo vjen si rezultat i përparimit të teknologjisë. Ndërkohë, bizneset kanë frikën se ka pasur një lloj marrëveshje nga oligarkia bankare për të mbajtur kamatat e larta, të cilat edhe pse kanë rënë ndjeshëm prapë mbesin të larta. Kryetari i Shoqatës së Naftëtarëve të Kosovës, Berjani, është i mendimit se që nga paslufta e deri më sot bankat komerciale në Kosovë kanë abuzuar me normat e interesit për përfitime enorme të tyre dhe në dëm të bizneseve dhe të qytetarëve.”Është për keqardhje se bankat komerciale nuk ishin në nivelin e misionit që do të duhej të ishte e ky ishte premtimi i tyre kur nisën me punën se ato do të duhet të ishin një gjenerator i madh i punësimit”, u shpreh ai.

Hetimi i AKK-së nuk gjeti marrëveshje të fshehtë

Berjani thotë se, përkundër përfitimeve të mëdha nga kamatat e larta dhe fakti se bankat përfituan shumë, në dy tri vitet e fundit, për habinë e të gjithëve, disa nga këto banka komerciale i reduktuan tej mase vendet e tyre të punës, duke larguar shumë veta nga puna dhe duke u arsyetuar se kjo vjen si rezultat i përparimit të teknologjisë. “Bankat, përveç tjerash, nuk ishin gjenerator i punësimit në ekonomi, për shkak se kamatat nuk ishin aspak të favorshme për bizneset, shumë nga të cilat falimentuan për shkak të kamatave tejet të larta”, ka thënë më tej ai. I pari i Naftëtarëve të Kosovës ka frikën se mund të ketë pasur një lloj marrëveshje nga oligarkia bankare për të mbajtur kamatat e larta, të cilat, edhe pse kanë rënë ndjeshëm prapë mbesin të larta. Por, këto akuza dhe dyshime në adresë të drejtuesve të bankave komerciale, të bëra nga naftëtarët kosovarë, i ka hedhur poshtë nënkryetari i Autoritetit Kosovar të Konkurrencës, Ahmet Krasniqi, që është i vetmi që ka qenë edhe anëtar i përbërjes së kaluar në këtë agjenci. Nënkryetari Krasniqi tha se para disa vjetësh përbërja e kaluar e Bordit të Autoritetit Kosovar të Konkurrencës e ka bërë një hulumtim me dyshimet se në mes bankave komerciale mund të ketë pasur një marrëveshje interne për krijimin e monopolit për shkallën e kamatave të bankave komerciale që ishin përafërsisht të njëjta. “Hetimi disamujor i Autoritetit të Konkurrencës ka treguar se asokohe dyshimet e kompanive dhe vërejtjet e qytetarëve ishin të pabaza dhe se hetimi tregoi se nuk ka pasur ndonjë marrëveshje të tillë në mes të këtyre bankave që afarojnë në Kosovë”, u shpreh ai./Kosova Sot





Lajmet e fundit nga