web counter
LEXO PA REKLAMA!

SHKARKO APP

App Store
Google Play

Pse hesht Guvernatori Sejko për festën e shfrenuar të CEO të Raiffesien Bank?!

7 Mars 2017, 12:10, Aktualitet CNA

CityNews publikoi pak kohë më parë një video nga festa e Raiffeisen Bank në Shqipëri. Në videon e siguruar nga CityNews, për të cilën pati dhe ndërhyrje që të mos publikohej, tregohet një festë publike aspak normale e një banke të rëndësishme, siç është Raiffesien. Aty duket qartë festa e shfrenuar në skenë.

Por, asgjë nuk mbaron më keq, pasi kulmi arrin, kur në video shfaqet CEO i kësaj banke, Kristian Kanakaris. Është pikërisht ky i fundit, që shfaqet duke goditur në prapanicë një nga personazhet që ndodhet në skenë.

Në sfond të pamjeve transmetohet filmi ?Wolf of Wall Street?, një nga xhirimet e Hollywoodit, ku flitet për mashtrime dhe abuzime financiare.

Dhe sikur të mos mjaftonte kjo festë ?e çmendur?, vjen dhe heshtja e turpshme e zyrtarëve shqiptarë.
Po bëhet gati një muaj nga videoja e publikuar në CityNews dhe Guvernatori i Bankës së Shqipërisë, Gent Sejko, vijon të heshtë. Akoma nuk ka asnjë reagim nga institucioni që kontrollon të gjitha bankat e nivelit të dytë në vend. Për Sejkon duket të jetë diçka tepër normale, që një zyrtar i lartë të shfaqet në një festë publike në një mënyrë të tillë kaq të shthurur. Ai mbyll gojën para një skandali të tillë, duke menduar ta kalojë të në heshtjen.

Tani nuk pritet gjë tjetër veçse më 8 mars të njëjtën festë ta organizojë dhe Sejko dhe të bëjë të njëjtat veprime!/CityNews

Video Ekskluzive/ Festa e shfrenuar e CEO-s të Raiffeisen Bank në Shqipëri





Lajmet e fundit nga