web counter
LEXO PA REKLAMA!

SHKARKO APP

App Store
Google Play

Top Story, e ardhmja e Vetting-ut dhe protesta e PD

6 Mars 2017, 21:13, Aktualitet CNA

Ndërsa pritej përfundimi i procesit të reformës në Drejtësi, Parlamenti nuk e respektoi dot afatin 3 ditor të nisjes së punës për verifikimin e kandidatëve. Mospjesëmarrja e opozitës mbetet një shkak, por në këtë rast nuk ishte ai kryesori për të cilin maxhoranca vendosi të kthejë një pjesë të dosjeve tek Avokati i Popullit.

Ata janë 79 kandidatet që operacioni ndërkombëtar i monitorimit vlerësoi se plotësojnë kushtet formale, por u mungon dokumentacioni për të provuar çdo kriter që kërkon ligji.

Prej më shumë se 2 javësh proteste para godinës së Kryeministrisë dhe nën zyrën e kryetarit të Kuvendit, shoqëruar me bojkotin e Parlamentit, Lulzim Basha deklaroi se pas paktit për një qeveri teknike dhe korrigjimit të shtatë ligjeve të miratuara pa opozitën, atëherë të bëhet Vettingu.

Por si do të vijojë fati i reformës në drejtësi? A do të ngrihen komisionet e Vettingut javën që vjen? Por a do të thotë kjo që Vettingu është rikthyer në pikën 0?

Për këto dhe të tjera pyetje në Top Story këtë të enjte janë analistët Arjan Vasjari, Agron Gjekmarkaj, Skënder Minxhozi dhe Mustafa Nano. Nga çadra e protestës do të flasë edhe Kreu i PD, Basha. Ndërsa nga selia rozë do të jetë deputetja  Vasilika Hysi.





Lajmet e fundit nga