E fundit!

09:36 Kosova & Bota

Shërbimi Gjeologjik i SHBA-së: Tërmeti që goditi Venezuelën ishte më i madhi në më shumë se një shekull

Tërmeti i së mërkurës ishte më i madhi që ka goditur Vene...

Ja nga cilat vende milionerët ikin si pula pa krye

4 Mars 2017, 07:07, Aktualitet CNA

Për të dytin vit me radhë, vendi më i preferuar i tyre është Australia, ku gjatë vitit 2016 kanë shkuar 11.000 milionerë, për dallim nga viti 2015, kur në këtë vend kishin shkuar 8.000 sish

Gjatë vitit të kaluar, shumë milionerë kishin vendosur që ta kërkonin rehatinë në ndonjë shtet tjetër, nga ai ku kishin jetuar deri atëherë. Rreth 82.000 njerëz që kanë më shumë se 1 milion dollarë kanë braktisur shtëpitë e tyre vitin e kaluar, gjë që është për 18.000 më shumë sesa një vit më parë, thotë “Global Wealth Review”.

Më së shumti francezë braktisën vendin

Franca ka humbur më së shumti pasanikë ? rreth 12.000 milionerë e kanë braktisur këtë vend gjatë vitit 2016, gjë që është për 2.000 më shumë sesa dy vjet më parë, përkundër rritjes ekonomike në tremujorin e fundit të vitit fiskal. Ky eksod nga Franca është shkaktuar nga sulmet gjithnjë e më të shpeshta terroriste dhe nga kërcënimet, por edhe nga rritja e mbështetjes ndaj partive djathtiste.

Marine le Pen, kandidate presidenciale e Frontit nacional, ka premtuar se do ta nxjerrë Francën nga BE-ja, gjë që kryesisht nuk iu pëlqen pasanikëve.

Ndikimi më i madh është ndier në Turqi

Në vendin e dytë në këtë listë gjendet Kina, me 9.000 milionerë të larguar; pastaj Brazili me 8.000, gjë që është rreth tri herë më shumë sesa një vit më parë; derisa nga India janë larguar rreth 6.000 pasanikë, gjë që është sa dyfishi i vitit 2015.

Megjithatë, ndikimi më i madh është ndier në Turqi, nga ku gjatë vitit të kaluar janë larguar rreth 6.000 milionerë, gjë që është pesë herë më shumë sesa gjatë vitit 2015. Shkak i kësaj janë sulmet terroriste, por edhe grusht shteti i dështuar, i cili ka shkaktuar shumë burgosje dhe shkarkime.

E, ku shkojnë tërë këta pasanikë? Për të dytin vit me radhë, vendi më i preferuar i tyre është Australia, ku gjatë vitit 2016 kanë shkuar 11.000 milionerë, për dallim nga viti 2015, kur në këtë vend kishin shkuar 8.000 sish. Pasanikët preferojnë edhe Amerikën, ku vitin e kaluar shkuan 10.000 milionerë, gjë që është për 3.000 më shumë sesa në vitin 2015./Kosova Sot