web counter
LEXO PA REKLAMA!

SHKARKO APP

App Store
Google Play

Atentat në “çadrën e lirisë”?/Spahiu: Kemi identifikuar deputetët e përfshirë

1 Mars 2017, 08:43, Aktualitet CNA

Kreu i AK, Kreshnik Spahiu, ka sqaruar incidentin që ndodhi nën çadrën e protestës.

Spahiu deklaron se goditja ndaj tij ishte një kurth i fëlliqur, i organizuar sipas tij, nga vetë kryeministri Edi Rama.

Duke e quajtur atë një atentat, Spahiu shprehet se të përfshirë ishin edhe deputetë, të cilët janë identifikuar.

Për ?Panorama?, kreu i AK shpreh bindjen se skenar është përgatitur nga vetë kryeministri.

?Sigurisht që ishte një provokim i ardhur nga jashtë. Si në çdo luftë që luhet me komunistë, ka prita dhe kurthe. Ai ishte një kurth i fëlliqur. Kreshnik Spahiun nuk mund ta gjesh kudo, pasi unë jam nga të paktët politikanë që eci në këmbë rrugëve të Tiranës. Vendi në të cilin ndodhi incidenti, personat që e organizuan, dy prej të cilëve ishin të armatosur, mënyra se si më goditën pas shpine, tregon se ishte një kurth që vetëm Edi Rama mund ta organizojë me bandat që ka në grupin e PS dhe në aleancë. Kemi identifikuar se cilët janë deputetët që u përfshinë në këtë atentat ndaj meje. Donin që përmes këtij akti të poshtëronin krahun radikal të kësaj proteste. Donin të na gjunjëzonin brenda në çadër. Donin të fusnin konflikt brenda vetes. Donin të përulnin edhe PD-në. Përfshinë një person që kishte bërë një foto me liderin e demokratëve, Sali Berisha. Ne e dimë që me Berishën kanë bërë 1 milion njerëz foto. Fakti që më kërkuan të mos flas më për Ramën, është e qartë se ishte një skenar i përgatitur nga vetë kryeministri?, deklaroi Spahiu./CityNews





Lajmet e fundit nga