web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet paterica që fut në protestë PD-PS/ Shqipëria po shkatërrohet ngadalë

23 Shkurt 2017, 10:21, Aktualitet CNA

Kreu i LIBRA-s, Ben Blushi, po flet nga foltorja e Kuvendit për protestën e opozitës.

Blushi ka bërë një krahasim mes protestës së vitit 2010, të organizuar nga Rama, i cili në atë kohë ishte në opozitë, dhe protestës së tanishme të opozitës së Bashës.

Ai ka hedhur akuza të ashpra mbi të dyja partitë e vjetra politike, PS dhe PD, duke thënë se ato futen në protestë dhe grevë për një patericë, për patericën e Ilir Metës.

Sipas tij, asnjëra prej tyre nuk vjen në pushtet pa këtë patericë.

?Sa shumë i ngjajnë dy partitë e vjetra njëra-tjetrës. Para 7 vjetësh kishim një situatë të ngjashme në qendër të Tiranës. Më vjen mirë të them që unë nuk kam qenë në asnjërën nga këto dy çadra. Koha më ka dhënë dhe do më jap të drejtë. Shqipëria është kthyer në një metodë çadrizmi, një metodë për ta shkatërruar Shqipërinë ngadalë. Kush janë ngjashmëritë mes dy çadrave: nuk ishte nevoja e popullit për më pak taksa, për më pak varfëri, për më pak koncesione, dhunë. Ishte nevoja për karrierë. Të pasurit pa pushtet proteston kundër të pasurve në pushtet. Sot të pasurit jashtë pushtetit protestojnë kundër të pasurve në pushet. Atëherë ishte rrezik karriera e Ramës, sot në rrezik karriera e Metës. Atëherë ishte Berisha në ballkon dhe Rama poshtë, sot e kundërta. Duket në mënyrë cinike dhe qesharake, sikur dy partitë e vjetra të Shqipërisë, të dyja çalamane, futen në grevë dhe protestë për një patericë, për patericën e Ilir Metës. Asnjëra prej tyre nuk vjen dot në pushtet pa patericën e Metës. Por paterica ka një zakon, ajo përdoret dhe kur pronari vdes?, tha Blushi./CityNews





Lajmet e fundit nga