web counter
LEXO PA REKLAMA!

SHKARKO APP

App Store
Google Play

Dashamir Shehi i bashkohet protestës, sfidon Ramën/ Nëse je i zoti, fiton dhe me ...!

23 Shkurt 2017, 09:38, Aktualitet CNA

Kreu i Lëvizjes për Zhvillim Kombëtar, Dashamir Shehi, i është bashkuar protestës së opozitës, e cila vijon prej gjashtë ditësh.

Shehi ka dalë pro kërkesës së opozitës për qeveri teknike, që sipas tij, duhet për të ofruar zgjedhje të lira e të ndershme. Më tej, ai ka sfiduar të majtët, se nëse janë kaq të zotët as pretendojnë se fitojnë, këtë mund ta arrijnë dhe me qeveri teknike.

?Unë do t?i bashkohem protestës, për solidaritet politikë, ne do vazhdojmë përtej diskutimeve. Shkalla e rezistencës, e rritjes së protestës do na mësojë vetë se cilat do jenë rrugët. Basha i ka strategjitë e qarta se si do vazhdojë përpara. PD e ka lënë derën e hapur për alternativa të tjera, nëse plotësohen ato që kemi kërkuar, qeveria teknike dhe zgjedhjet e lira. Nuk është e vërtetë që Basha kërkon të hip në pushtet, por kërkohet një pushtet për zgjedhje të lira e të ndershme. Nëse socialistët janë kaq të zotët sa pretendojnë edhe me qeveri teknike mund t?i fitojnë.

Ka diçka që nuk shkon, pse duhet të kenë kaq dyshime këto për qeveri teknike. U bënë 20 vjet që s?po bëjnë zgjedhje të lira e të ndershme?, tha Shehi.

Më tej, kreu i LZHK komentoi protestën paqësore, duke thënë se kjo që po ndodh tregon sa evropiane është opozita shqiptare.

?Protesta tregon shkallë emancipimi për PD. Kjo është e ardhmja e Shqipërisë nëse duam të bëjmë vend. Nuk është trimëri kur turma bën rrëmujë. Kjo që po ndodh tregon sa evropiane është opozita shqiptare?, deklaroi ai./CityNews





Lajmet e fundit nga