web counter
LEXO PA REKLAMA!

SHKARKO APP

App Store
Google Play

E fundit!

x

Artan Fuga sulmon ashpër Ramën e Nikollën/ Maskarenj e idiotë, prodhuat poshtërsi!

23 Shkurt 2017, 09:11, Aktualitet CNA

Akademiku Artan Fuga ka sulmuar kryeministrin Edi Rama dhe ministren e Arsimit, Lindita Nikollën, teksa ka folur për arsimin e lartë.

Fuga është ndalur te marshimi i studentëve dhe gjimnazistëve kundër arsimit të lartë, duke thënë se i pëlqeu shumë, pasi sipas tij, u bë kundër maskarenjve dhe idiotëve që kanë shkatërruar dijen dhe kulturën.

Më tej, Fuga ka shtuar se këto tre vjet qeverisje nga Rama çdo sekondë e jetës profesionale ka luftuar dhëmbë më dhëmbë me poshtëritë që ai ka prodhuar.

Ja çfarë shkruan Fuga:

Anulim i ligjit për arsim gjoja të lartë! Punësim sipas profilit për studentët që diplomohen! Sa më pëlqeu ky manifestim i rinisë studentore dhe i gjimnazeve kundër ligjit të arsimit të lartë dhe kundër të gjithë maskarenjve dhe idiotëve që me të kanë shkatërruar dijen dhe kulturën për rininë e gjorë shqiptare!
Tre vjet, cdo sekondë e jetës profesionale, luftë dhemb për dhemb me poshtërsitë që ai ka prodhuar dhe prodhon!
Si tha Lulzim Basha? Do ta anuloj që në orën e parë që të jem në postin e kryeministrit!
Ashtu bëja po të erdhi rasti! Por, jo orën e parë, sekondën e parë!
Asnjë student nuk kam parë të gëzuar nga dega ku e kanë hedhur, nga papunësia ku i lënë, nga kriteret e marrjes në punë me parà, me lekë bakshish ose me mik ose teserë partie, nga kushtet e mësimit si në shekullin 19 -të !
Po e mbajmë shënim! Ka ikur koha kur shqiptarëve mund t’u premtohej dielli dhe hëna dhe pastaj pas votimit u jepet një lugë supë e holluar me ujë deti!/CityNews





Lajmet e fundit nga