web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e trefishtë në Vlorë/ Pezullohet prokurori Selmani dhe drejtoresha e tij

23 Shkurt 2017, 09:06, Aktualitet CNA

Që në orët e para të ditës, kryeprokurori Adriatik Llalla ka pezulluar nga detyra drejtoren e Drejtorisë Gjyqësore Alma Muçaj si dhe prokurorin e Prokurorisë së Përgjithshme, Artur Selmani.

Llalla urdhëroi nisjen e hetimit ndaj tyre, për shkak të qëndrimit të dyshimtë që është mbajtur në Gjykatën e Lartë, ku po shqyrtohet rekursi për autorët,  dyshuar të vrasjes së ndodhur në vitin 2015, ku mbetën të vdekur 3 persona.

Dyshohet se prokurori Selmani, pasi e ka diskutuar me Drejtorin e Drejtorisë Gjyqësore, Alma Muça ka kërkuar pushimin e akuzave shumë të rënda.

Prokuroria informon: Gjatë shqyrtimit të rekursit në Gjykatën e Lartë, prokurori i çështjes, Artur Selmani, jo vetëm që nuk ka mbështetur qëndrimet e mëparshme të Prokurorisë, por ai ka kërkuar pushimin e akuzave shumë të rënda, për të cilët të pandehurit ishin dënuar maksimalisht në dy shkallët e gjyqësorit në Vlorë.

Për këtë qëndrim të dyshimtë, prokurori Selmani pretendon se e ka diskutuar me Drejtorin e Drejtorisë Gjyqësore, Alma Muça.

Prokurori i Përgjithshëm, i vënë në dijeni për situatën, pasi prokurori Selmani e kishte prezantuar qëndrimin e tij në Gjykatën e Lartë, ka urdhëruar menjëherë pezullimin e tij dhe të drejtorit , Alma Muça, si edhe ka urdhëruar nisjen e hetimit për veprat penale të ?Korrupsionit pasiv të gjyqtarëve dhe prokurorëve?.? Dhe ?Shpërdorim detyre?, me qëllim për të zbuluar shkaqet e këtij qëndrimi.

Gjithashtu, pjesë e penalizimit administrativ dhe hetimit penal janë edhe ndihmësit gjyqësorë, të cilët kanë përgatitur relacionin për prokurorin.

3 të vdekur dhe 1 i plagosur është bilanci i përplasjes me armë të ndodhur mes dy grupeve rreth orës 14:15 minuta, të 7 prillit 2015, në lagjen ?24 Maji?, e njohur ndryshe si lagjja ?Çole? në Vlorë. /CityNews

 





Lajmet e fundit nga