web counter
LEXO PA REKLAMA!

SHKARKO APP

App Store
Google Play

E fundit!

x

Qeveri teknike?/ Ja çfarë mendon ambasadori i OSBE

22 Shkurt 2017, 20:57, Aktualitet CNA

Ambasadori i OSBE në Tiranë, Bernd Borchardt, e sheh legjitime protestën e opozitës.

Në ?Tonight Ilva Tare? në ORA News, ai thotë se njerëzit janë të shqetësuar dhe se ndan me ta disa prej këtyre shqetësimeve.

?Sigurisht që ndaj pikëpamjen e BE-së që dialogu duhet të vazhdojë në parlament por që një parti apo disa parti të forcojnë pikëpamjet që i shprehin në parlament duke dalë në rrugë dhe duke i kërkuar mbështetësve të tyre të dalin në protestë është normale dhe legjitime?.

Mbi kërkesën për qeveri teknike, ai thotë se nëse ka dakordësim të palëve dhe ndryshohet Kushtetuta, kjo do të ishte legjitime.

Sa i takon vendimit të opozitës për bojkot të Parlamentit, Ambasadori i OSBE thotë se kjo do ulte shpejtësinë e reformës gjyqësore, fakt për të cilin do ndjente keqardhje.

Protesta e opozitës

Ilva Tare: Besoj se nuk është e lehtë që 4 muaj para mbajtjes së zgjedhjeve për një ambasador të OSBE-së të shohë opozitën kryesore të vendit në protestë, pikërisht në emër të mbajtjes së zgjedhejve të ndershme e të lira. Si ndiheni në këtë pozicion?

Bernd Borchardt: Protesta e opozitës është absolutisht legjitime. Kjo është një e drejtë e tyre. Unë kam parë demonstrata shumë të mëdha në vendin tim, ku ka pasur më shumë se 3 mijë vetë të cilët kanë shprehur shqetësime dhe për disa zhvillime në vendin tim. Njerëzit këtu janë të shqetësuar. Unë ndaj disa nga këto shqetësime, zhvillime në këtë vend. Është e drejta e tyre të demonstrojnë. Unë besoj se është mirë të demonstrohet.

Ilva Tare: Si do ti përgjigjeshit kërkesës së tyre për qeveri teknike?

Bernd Borchardt: Kjo nuk është diçka për të cilën OSBE do të kishte një qëndrim. Nuk ka pasur rekomandime të OSBE/ ODIHR për një qeveri teknike. Nëse palët janë dakord. Nëse ndryshohet Kushtetuta për këtë, atëherë kjo do të ishte legjitime.

Ilva Tare: A e kishit parashikuar që do të mbërrihet në këtë pikë, do të radikalizohej situata deri këtu, nga kontaktet që keni pasur me kreun e PD-së, kryeministrin apo aktorët e tjerë politikë?

Bernd Borchardt: Unë nuk shoh ndonjë radikalizim. Kjo ka qenë dhe vazhdon të jetë një proçes paqësore. Nuk shoh radikalizim. Sigurisht që ndaj pikëpamjen e BE-së që dialogu duhet të vazhdojë në parlament por që një parti apo disa parti të forcojnë pikëpamjet që i shprehin në parlament duke dalë në rrugë dhe duke i kërkuar mbështetësve të tyre të dalin në protestë është normale dhe legjitime.

Ilva Tare: Opozita ka paralajmëruar bojkotin e parlamentit, që besoj do të krijonte probleme të mëdha për funksionimin e parlamentit por dhe të reformave të ndërmarra?

Bernd Borchardt: Po do të ulte shpejtësinë e reformës gjyqësore, për të cilën do të më vinte keq. I dimë rezultatet e sondazheve. Shumica mezi pret zbatimin e reformës në drejtësi. Sigurisht kjo bën pothuajse të pamundur reformimin e Kodit Zgjedhor. Kështu që do të na vinte keq dhe neve.





Lajmet e fundit nga