E fundit!

12:43 Aktualitet

Helmimi i kursantëve të Akademisë së Sigurisë/ Reagon Sori-Al: Futen ushqime nga jashtë

Kompania Sori-Al ka reaguar në lidhje me helmimin e 60 kur...

VIDEO- Kim Mehmeti sulmon Edi Ramën/ Artist i parealizuar, edhe këtë mandat e kishte tepër

9 Shkurt 2017, 12:34, Aktualitet CNA

Shkrimtari Kim Mehmeti, në një intervistë të dhënë në emisionin ?Komiteti? të gazetarit Berat Buzhala, ka folur me një gjuhë të ashpër për kryeministrin shqiptar Edi Rama, ndërsa është shprehur i çuditur sesi mund të qeveriset një vend nga rrjetet sociale.

Duke e cilësuar si një artist të parealizuar, ku ka hapur ekspozitat vetëm pasi mori postin e kryeministrit, Kim Mehmeti, me një gjuhë të shpenguar nuk nguron që të rendisë një sërë pakënaqësish, duke e nisur me intervistat e gjata e të shpeshta. Ai e argumenton këtë si një shpërdorim kohe, e në të njëjtën kohë parashtron pyetjen se kur punon ai?!

?Ka diçka tjetër. E kam thënë se ai është artist i parealizuar dhe në fund të fundit, e kam thënë se jam shkrimtar, nuk jam politikan. Njeriut të artit kurr nuk do ti kisha lënë më shumë sesa të ishte këshilltar apo anëtar partie.

Kurrë nuk do ia kisha lënë shtetin, posaçërisht edhe artistit të parealizuar. Është i parealizuar sepse ai ekspozitë ai nuk kishte hapur para se të ishte kryeministër.

Tashti ka hapur më shumë ekspozita para saj. Ai dhe shtetin e konsideron. Ju keni frikë të hapni frigoriferin se del kryeministri i Shqipërisë.

Kur ai punon? Unë nuk di kryeministër që një herë në javë jep intervistë dy orë. Mua më duken shumë. Si një burrë shteti, çdo të hënë e shoh dy orë. Pastaj Facebook me gjithë komunikatë. Unë se di kur punon ai. Shtet me Facebook, s?di të ketë bërë dikush?, tha Mehmeti.

Gjatë intervistës, i pyetur nga Buzhala për zgjedhjet e qershorit, për një mandat të dytë të Ramës, ai ka folur shkurt dhe qartë.

?Rama mendoj se edhe këtë mandat e pat tepër, ai po zgjedh. Edhe atë që bëri paraardhësi i tij. Çfarë të shpjegoj në një vend, kur keni frikë të dëgjoni diskutimet në Parlament. Ku flitet për hajdut, kriminel, vrasës. Kur dëgjoni Parlamentin, shtroni pyetjen a ka njerëz të shëndoshë?, tha Mehmeti, duke e argumentuar këtë me krizën e identitetit. /CityNews