web counter
LEXO PA REKLAMA!

SHKARKO APP

App Store
Google Play

E fundit!

x

Në kërkim taksisti/ Ndihmoi dy vëllezër të kalonin kufirin

9 Shkurt 2017, 11:08, Aktualitet CNA

Dy vvëllezër janë arrestuar në flagrancë, pasi në bashkëpunim i kanë vjedhur me dhunë një sasi parash  një 26 vjeçari. Po kështu, policia ka nisur procedimin penal  dhe kanë shpallur në kërkim një taksist, pasi i ka ndihmuar ata që të kalonin kufirin nga Greqia në Shqipëri.

?Shërbimet e Policisë Kufitare të Kapshticës, bënë kapjen dhe arrestimin në flagrancë të shtetasve Adolf dhe Fisnik Veseli (vëllezër), 22 dhe 24 vjeç, të dy banues në Peshkopi.

Më datë 08.02.2017, mbi Pikën e Kalimit Kufitar të Kapshticës (në kufirin e gjelbër), këta shtetas në bashkëpunim mes tyre, pasi i kanë vjedhur me dhunë një sasi parash shtetasit R.K, 26 vjeç, banues në Gramsh, janë larguar me shpejtësi.

Pas krehjes të zonës dhe falë veprimeve të mirëkoordinuara nga ana e shërbimeve të Policisë Kufitare, u bë e mundur konstatimi dhe kapja e tyre në flagrancë, në aksin rrugor Kapshticë-Bilisht.

Gjithashtu në vijim të hetimeve dhe verifikimeve në lidhje me këtë rast, filloi procedimi penal si edhe u bë shpallja në kërkim e shtetasit  J.D, 28 vjeç, banues në fshatin Dypjak- Peshkopi.

Pasi ky i fundit i ka transportuar  shtetasit e mësipërm me mjetin tip ?Mercedes-Benz? nga Volosi (Greqi) drejt Shqipërisë dhe i ka sygjeruar atyre të përdornin kufirin jeshil, me qëllim shmangien e gjobës në PKK Kapshticë, pasi këta të fundit nuk ishin të pajisur me dokumentacion të rregullt”, deklaron policia.

Veprimet proceduriale të rastit, u kryen nga specialistët e Seksionit për Krimet në Komisariatin e Policisë Devoll. Materialet në ngarkim të tyre i kaluan Prokurorisë të Rrethit Gjyqësor Korçë, për veprat penale : ?Vjedhja me dhunë, kryer në bashkëpunim? dhe ?Ndihma për kalim të paligjshëm të kufijve?. /CityNews

 





Lajmet e fundit nga