web counter
LEXO PA REKLAMA!

SHKARKO APP

App Store
Google Play

E fundit!

x

Prishja e koalicionit/ Skenarët si po ikën Ilir Meta dhe aleancat e reja?

9 Shkurt 2017, 10:41, Aktualitet CNA

Përplasjet midis dy krerëve të mazhorancës, por edhe trupës së tyre politike po çojnë LSI-në drejt daljes të vetme në zgjedhjet e 18 qershorit.

Ilir Meta në katër vite nuk ka nguruar të flasë edhe me zërin e opozitës. Ai ka qenë kritik dhe i ashpër edhe direkt me kryeministrin e vendit. Në mjaft raste është përpjekur të jetë një zë ndryshe, shpesh është përpjekur të shpallet edhe ?shpëtimtari? siç është rasti i Reformës në Drejtësi.

Burime zyrtare nga LSI i thanë CityNews se koalicionit me socialistët po i vjen fundi.

Ilir Meta ka disa skenarë, të cilët mund ti japin atij mundësinë të krijojë një pol të ri politik në zgjedhjet e ardhshme. Pas lëvizjeve të dy viteve më parë, Meta dështoi të afronte tek vetja PDIU-në. Ai sot ka një aleat që Edi Rama e ka braktisur. PDNJ-në e Vangjel Dules.

Afrimi i Metës me Dulen është krejt natyral pas vizitës së kreut të Kuvendit pak muaj më parë në Athinë. Qëndrimet e Metës ishin në fakt në gjuhën e një politikani europian. Ndërsa kryeministri i vendit Edi Rama është i ashpër, debutues dhe përplaset me politikën zyrtare të Greqisë, Meta flet me gjuhën e konsensusit, ka qetësi dhe dashuri për Greqinë, sjellje që i mungon ministrave të qeverisë Rama, si Saimir Tahiri, Damina Gjiknuri, Ilie Beqaj etj.

Dy javë më parë, disa ministra të LSI përgatitën një konferencë shtypi ku do të kërkohej largimi i Ministrit të Brendshëm Saimir Tahiri, por lëvizja dështoi dhe Edi Rama shkarkoi Ylli Manjanin. Në atë moment u tha se pati edhe një debat midis dy krerëve të koalicionit, ku Rama nuk kishte kursyer edhe largimin e Metës.

Kreu i Kuvendit ruajti qetësinë, nuk bëri një largim të menjëhershëm, por po qëndron në pushtet duke mbajtur Ministritë dhe duke tentuar të krijojë një koalicion të ri.

Vangjel Dule nuk është shpresa e vetme. Ilir Meta me shumë gjasa pritet të ftojë në koalicion edhe parti të tjera të majta apo të qendrës. LIBRA e Blushit është një nga forcat politike që në koalicion me Metën do të ishte thuajse në shtratin e saj. Por, burime zyrtare i thanë CityNews se për koalicionin e LIBRA-s do të vendosë anëtarësia. Por, një gjë është e sigurt, nuk do të dilet në koalicion me PD apo PS. Me Metën apo të vetëm, duhet të presim edhe pak.

Një aleat i tretë i Metës mund të jetë Paskal Milo, i cili ashtu si Dule në zgjedhjet e vitit 2013 ka mbi 10 mijë vota.

Një parti tjetër mund të jetë edhe ajo e Sazan Gurit, një parti e gjelbër që shpesh ka pasur qasje pro kreut të Kuvendit.

Nuk përjashtohet edhe mundësia që në koalicion me Ilir Metën, të jetë edhe Koco Kokëdhima me ?Zgjidhjen? e tij, i cili së fundmi ka filluar një betejë të fortë kundër kryeministrit brenda strukturave socialiste.

Vangjel Dule, Ben Blushi, Paskal Milo etj, së bashku me Metën mund të krijojnë polin e tretë të politikës. Një skenar, i cili nuk përjashtohet as nga vetë socialistët, të cilët nga njëra anë përgjërohen për bashkimin e të majtës dhe nga ana tjetër kanë dëbuar shumë prej deputetëve kryesorë të tyre.

Ilir Meta po qëndron në koalicion dhe në qeveri për të pasur të gjitha kushtet që të ndërtojë i qetë koalicionin e tij dhe jo nën sulmet e qeverisë, e cila Dulen dhe Blushin vështirë se i kthen nën gjirin e saj.

Nga ana tjetër, kreu i LSI po përpiqet që të sigurojë edhe mbështetjen e socialistëve me influencë, por të pakënaqur për shkak të braktisjes nga Rilindja.

Në shumë zona të Shqipërisë ,Meta po kërkon mbështetjen e tyre, duke i premtuar kandidime si deputet, por edhe më pas emërime në pozicione të administratës duke theksuar faktin se ai është faktori për formimin e qeverisë në vend./CityNews

Partitë në koalicion me LSI në vitin 2009

-PSV?91

-Partia e të Gjelbërve

-Lëvizja për Liritë dhe të Drejtat e Njeriut

-Partia Toleranca e Re

-Partia e Emigranteve Shqiptarë





Lajmet e fundit nga