web counter
LEXO PA REKLAMA!

SHKARKO APP

App Store
Google Play

Vijon “lufta” PS-LSI/ Vasili-Rama përplasen me Manjan e Xhafajn për “Drejtësinë”

8 Shkurt 2017, 16:35, Aktualitet CNA

PS-LSI vijojnë të thellojnë përplasjen dhe debatet. Dy partitë më të mëdha të koalicionit qeverisës u përplasën sot për reformën në drejtësi, gjatë diskutimit të hapur për amendimin e Kodit të Procedurës Penale. Ministri i ri i Drejtësisë Petrit Vasili, tha se drafti i hedhur për diskutim dhe që mban firmën e ekspertëve të nivelit të lartë nuk pasqyron rekomandimet e draftit të misnitrisë së Drejtësisë.

?Kam përgatitur një projekt më të fundit, i cili është një variant tjetër nga ai që kohë më parë kjo ministri ka punuar së bashku me EURALIUS. Është një draft që ka reflektime të rëndësishme, të cilat duhen parë dhe marrë në diskutim?, tha Vasili.

Një qëndrim akoma më të ashpër mbajti kryetari i grupit të LSI, Luan Rama. Ky i fundit shprehu kritika mbi procedurat që po ndiqen për amendimin e ligjeve, duke rikthyer në pikën zero debatin për rolin e ekspertëve të lartë në reformën në drejtësi.

Por, relatori Ulsi Manja i kujtoi Lëvizjes Socialiste për Integrim se para dy vitesh ka shprehur dakortësi që rishikimi i ligjeve të jëtë proces parlamentar.

?Është konceptuar si një proces parlamentar. Paketa e dytë e 27 ligjeve, pjesë e së cilës është dhe drafti i Kodit të Procedurës Penale Kuvendi ka ngarkuar komisionin e ligjeve për të përmbyllur me sukses këtë pjesë të dytë të reformës në drejtësi?, u shpreh Manja.

Në debat u përfshi dhe kyetari i Komionit të Ligjeve, Fatmir Xhafaj, ndërsa sqarimin e situatës e bëri eksperti Artan Hoxha.

Xhfaj: Kur të vijmë te Komisioni i Ligjeve kemi debat për politikë sa të duam nga mëngjesi në darkë.
Artan Hoxha: Këtë projekt të Ministrisë së Drejtësisë ia paraqitni komisionit të ekspertëve për ta rishikuar në kuadrin e veprimtarisë që ka komisioni i posacëm parlamentar i reformës në drejtësi./CityNews





Lajmet e fundit nga