Nga Saimir Tahiri/ Duam policë privatë që nuk vijnë për lëmoshë

8 Shkurt 2017, 12:52, Aktualitet CNA

Së pari dua t?ju bëj me dije që, në kohë të ndryshme, kam pasur konsulta të veçanta me një pjesë të konsiderueshme tuajën. Por ky është një moment specifik sa i takon marrëdhënies që ka Policia e Shtetit me Policitë private, detyrimeve reciproke në këtë marrëdhënie bashkëpunimi, por mbi të gjitha punës që mund të bëjmë të gjithë bashkë për të bërë një Shqipëri shumë më të sigurt.

Në fakt ka qenë dhe për habinë time, por besoj dhe të publikut, forca e burimeve njerëzore që ju keni në dispozicion. Janë mbi 8.900 policë privatë në Republikën e Shqipërisë. Janë saktësisht sa Policia e Shtetit me uniformë ? pra sa punonjës Policie Patrullë ka sot në dispozicion shteti shqiptar.

Do të thotë: kemi një polici të dytë (që janë policitë private). Janë 9.000 shtetas, qytetarë, që sot janë policë privatë. Punojnë për institucionet që ju drejtoni dhe për ruajtjen e institucioneve për të cilat jeni kontraktuar (banka, karburante, lokale nate, kazino, e kështu me radhë). Por ndërkohë nuk kanë ende rolin që duhet të kenë në sigurinë e qytetarëve, komuniteteve, lagjeve, qyteteve në Republikën e Shqipërisë.

Ka rreth 2.000 objekte që janë në ruajtjen dhe përgjegjësinë tuaj për sigurimin e tyre. Mjafton kjo shifër, pra 9 000 njerëz që kemi në dispozicion, si policë privatë, me mbi 2000 objekte që keni në përgjegjësi për t?i ruajtur. Mjafton kaq për të kuptuar sesa shumë e ndajmë ne bashkërisht përgjegjësinë; Policia e Shtetit dhe Policitë Private, për të pasur më shumë siguri në qytetet tona.

Gjatë kësaj kohe unë kam vënë re probleme të cilat nuk janë të vogla lidhur me standardin dhe cilësinë e shërbimit që jepni ju në raport me kontraktorët, në raport me kompanitë që keni në sigurim dhe mbi të gjitha në raport me qytetarët dhe me publikun.

Ajo që kam vënë re është se: burimet njerëzore që ju mobilizoni janë kryesisht mosha të thyera. Dhe akoma më e keqja janë të papaguar. Policia e Shtetit ka bërë një verifikim dhe një inspektim jo vetëm pranë kompanive që ju drejtoni, por edhe pranë kontraktorëve tuaj. Na rezulton që sot një polic privat është shumë, shumë i nënpaguar. Ka raste 40%. Paguhet vetëm 40 % e pagës së deklaruar. Ka raste nuk i jepen as orët e pushimit siç i takon në bazë të ligjit.

Ka raste që nuk përmbushin as detyrimet minimale për të qenë polic privat. Ndaj unë e vlerësoj të domosdoshme që t?ju njoftoj dhe bashkërisht brenda një muaji të marrim masa që të 9 000 punonjësit e Policisë Private të paguhen sa e kërkon ligji dhe asnjë lek më pak. Ju paguheni nga kontraktorët tuaj. Banka, qendra tregtare, kazino dhe çdo kontraktor tjetër i juaji paguajnë me kontrata duke llogaritur pagën minimale të policëve privatë që është 330 mijë lekë të vjetra. Sot ka policë privatë që paguajnë 180 mijë lekë të vjetra.

Ne jemi shumë të vendosur që, 9 000 policët privatë nën përgjegjësinë tuaj, që ruajnë institucione shumë të rëndësishme, asnjë prej të 9000 ?ve të paguhet më pak se 330 mijë lekë të vjetra.

Ky është një detyrim ligjor të cilin bashkërisht duhet ta sanksionojmë dhe ta implementojmë.

Dhe kjo është e vetmja mënyrë që në Policitë Private të rekrutohen njerëz të cilët nuk vijnë për lëmoshë, por për të punuar e garantuar siguri në radhë të parë për institucionet që je keni në sigurim. Dhe më pas pse jo për të respektuar dhe detyrimet që ka ligji për Policinë e Shtetit dhe kuadri ligjor në tërësi për ju, lidhur me detyrat që ka punonjësi i Policisë Private për të garantuar rendin dhe sigurinë sa herë vihen përpara një shkeljeje të ligjit apo ngjarje kriminale.

Sot Policia e Shtetit ka në terren 8.700 policë (të tjerët janë Polici Kriminale, e kështu me radhë). Ju keni më shumë policë se çka Policia e Shtetit. Por nëse ju keni më shumë policë se çka Policia e Shtetit, kontributi për sigurinë publike në ata 9.000 policë privatë, është thuajse zero./CityNews