web counter
LEXO PA REKLAMA!

SHKARKO APP

App Store
Google Play

E fundit!

x

Dokumentet/ Deputeti i Edi Ramës merr 6 miliardë e 700 mln lekë tendera

8 Shkurt 2017, 11:13, Aktualitet CNA

Të tjera akuza janë hedhur nga Partia Demokratike kundër kryeministrit Edi Rama. Sekretarja për marrëdhënie me publikun, Grida Duma, deklaroi se Edi Rama kujdeset për miqtë dhe klientët.

Duma jep një shembull tipik se si përfitojnë, sipas saj, njerëzit e tij nga paratë e shqiptarëve.

Këtu ajo përmend deputetin socialist, Xhemal Qefalia, që sipas Dumës, ka marrë 6 miliardë e 700 milionë lekë tendera në 3 vite.

Ja deklarata e plotë:

Grida Duma denoncon aferën. Ngrihemi bashkë me 18 shkurt për të ndalur zhvatësit. Edi Rama kujdeset vetëm për miqtë dhe klientët. Ja një shembull tipik se si përfitojnë njerëzit e tij nga paratë e shqiptarëve.
Firma e deputetit socialist, Qefalia, ka pasur një aktivitet modest, dhe në vitin 2013 s?ka marrë asnjë lek nga shteti.
Por pasi Edi Rama erdhi në pushtet, rezulton se deputetit të tij Qefalia i ka ndritur fati, dhe ka marrë 6 miliardë e 700 milionë lekë tendera në 3 vite. Njësoj si me raste të tjera, si përshembull rasti i Sadriut, Qefalia fshihet pas emrit të nipave të tij. Kemi dokumentacionin e plotë se si firma kalon në emër të nipave, sa për formalitet. Të gjithë e dinë, se në të vërtetë është deputeti dhe vëllezërit e tij që po ndajnë llokmat e mëdha të buxhetit.
Kjo pra është arsyeja pse populli zhytet në varfëri, dhe ska para për shkolla, për ngrohje, për ilace, për hallet e nejrëzve. Sepse paratë janë për miqtë dhe klientët e Edi Ramës. Ky pra është shteti i Edi Ramës, një ndërmarrje private që ndan pasurinë mes një grushti njerëzsish. Me 18 shkurt ne ngrihemi bashkë, dhe e ndalim këtë korrupsion, i ndalim zhvatësit. Do të hapim rrugën që qytetarët të zgjedhin të lirë, të zgjedhin qeverinë për njerëzit, qeverinë e tyre./CityNews





Lajmet e fundit nga