web counter
LEXO PA REKLAMA!

SHKARKO APP

App Store
Google Play

Paloka: Rroshi, dëshmi e bashkëqeverisjes me Ramën

5 Shkurt 2017, 12:51, Aktualitet CNA

Kryetari i grupit parlamentar të Partisë Demokratike, Edi Paloka, në një prononcim për mediat,  u ndal sërish në protestën e 18 shkurtit, duke apeluar që qytetarët të bëhen bashkë, për ti prerë rrugën krimit.

Duke u rikthyer sërish përmes një video-je ku Ahmetaj ndodhej në krah të Rroshit, për të, kryeministri Rama është në krah të krimit, duke e mbrojtur deri në fund.

Në reagimin për media nga selia blu, Paloka nënvizoi se Rama nuk zbaton ligjin e dekriminalizimit dhe se zgjedhjet e lira do të jenë fundi i krimit.

“Edi Rama ka vendosur të mos zbatojë dekriminalizimin, të mos zbatojë vendimin e prokurorisë, të Komisionit Qëndror të Zgjedhjeve, madje as vendimin e qeverisë së tij, për largimin e Elvis Rroshit nga detyra e kryetarit të Bashkisë së Kavajës.

Më 29 dhjetor të vitit të kaluar, KQZ zbatoi urdhërin e prokurorisë për ti hequr mandatin Elvis Rroshit, bazuar në ligjin e dekriminalizimit, dhe pas kësaj doli një vendim qeverie që e shkarkonte atë nga detyra e kryetarit të Bashkisë së Kavajës.

Por dje, ministri i Financave i Edi Ramës, jo vetëm shfaqet me përulësi e respekt para Elvis Rroshit, në një aktivitet politik në Kavajë, por e cilëson atë publikisht kryetar Bashkie.

Edi Rama del kështu kundër qytetarëve, kundër institucioneve, kundër kërkesës së Europës, dhe mbron krimin deri në fund.

Me veprimin e tij, Edi Rama e ka bërë zero përpjekjen e mundimshme të opozitës e partnerëve ndërkombëtarë dhe vullnetin e popullit për hartimin dhe zbatimin e ligjit të dekriminalizimit.

Kjo është një tjetër dëshmi se Edi Rama nuk ndahet dot nga krimi. Nuk ndahet dot nga trafikantët dhe droga. Prandaj nuk e do votimin dhe numërimin elektronik. Sepse kështu nuk e ndihmon dot, as ai krimin, as krimi atë. Zgjedhjet e lira janë fundi i krimit në politikë.

Ndaj me 18 shkurt ne ngrihemi bashkë për t?i prerë rrugën krimit në politikë, për ti dhënë mundësinë shqiptarëve të zgjedhin të lire qeverisjen e tyre”. /CityNews





Lajmet e fundit nga