Kapen hajdutët e rrezikshëm në Krujë/ Ja sa banesa vodhën

5 Shkurt 2017, 10:57, Aktualitet CNA

Policia e Krujës ka zbardhur dhe dokumentuar 3 vjedhje banesash në Bubq të qytetit. Policia arreston në flagrancë njërin nga autorët dhe fillon proçedimin penal në ngarkim të bashkëshortes së tij.

Mësohet se është arrestuar në flagrancë shtetasi Petrit Kallmeti, 40 vjeç, banues në Arrameras, Fushë-Krujë.

Gjithashtu, ka filluar proçedimi penal në gjendje të lirë në ngarkim të bashkëshortes së tij, shtetases R. P., 35 vjeçe, banuese në Arrameras, Fushë-Krujë.

Shtetasit e mësipërm, në bashkëpunim me njëri- tjetrin kanë vjedhur gjatë natës banesat e tre shtatasve në Bubq, Krujë, ku kanë marrë orendi të ndryshme shtëpiake.

Specialistët për Krimet në Komisariatin e Policisë Krujë, në sajë të veprimeve hetimore të specializuara kanë dokumentuar 3 vjedhje banesash të dyshuara të kryera nga shtetasit e mësipërm, konkretisht:

1. Më datë 02.02.2017, kanë vjedhur banesën e shtetasit A. K., 45 vjeç, banues në Bubq, Krujë, ku kanë marrë orendi shtëpiake.
2. Më datë 02.02.2017, kanë vjedhur banesën e shtetasit P. K., 56 vjeç, banues në Bubq, Krujë, u kanë marrë orendi shtëpiake.
3. Më datë 02.02.2017, kanë vjedhur banesën e shtetasit B. Sh., 55 vjeç, banues në Bubq, Krujë, ku kanë marrë orendi shtëpiake.

Shtetësia R. P. u kap nga Shërbimet e Policisë, duke transportuar objektet e vjedhura në banesat e shtetasve të mësipërm me mjetin tip Lançia.
Materialet I kaluan Prokurorisë së Rrethit Gjyqësor Krujë për veprime të mëtejshme për veprat penale “Vjedhja” në bashkëpunim dhe ” Përkrahja e autorit të krimit “në ngarkim të shtetases R. P., parashikuar në nenet 134/2 dhe 302 të Kodit Penal.

Specialistët për Krimet në Komisariatin e Policisë Durrës, në vijim të punës së pandërprerë për zbardhjen dhe dokumentimin e ngjarjeve të pa autorë, kanë bërë të mundur zbardhjen e dy vjedhjeve të ndodhura, një prej tyre e kryer që në vitin 2015.
Është ndaluar njëri nga autorët e dyshuar, konkretisht shtetasi:

? Erion Çezmollari, 37 vjeç, banues në Durrës.
Gjithashtu është shpallur në kërkim dhe po punohet për kapjen e bashkëpunëtorit të tij, shtetasin:
? M. Th. 17 vjeç, banues në Durrës.

Specialistët për Hetimin e Krimeve në sajë të veprimeve hetimore të specializuara kanë dokumentuar se shtetasit e mësipërm, në bashkëpunim me njeri-tjetrin, dyshohet se janë autorë të vjedhjeve të kompjuterëve të zyrave të kujdesit ndaj klientëve të OSHEE-së dhe kanë vjedhur me thyerje një lokal, konkretisht:

1. Më datë 16.02.2015, në lagjen Nr.17, Durrës, kanë vjedhur me thyerje zyrat e kujdesit ndaj klientit pranë OSHEE-së, ku kanë marrë 4 kompjutera të markës ?HP?.
2. Më datë 06.01.2017, në lagjen Nr.11, Durrës kanë vjedhur me thyerje lokalin në pronësi të shtetasit D.Sh. 36 vjeç, ku i kanë marrë 12 copë disqe kompjuterike, playstation.

Në cilësinë e provës materiale iu gjetën dhe sekuestruan 5 copë playstation të vjedhura në dyqanin e shtetasit D. Sh.

Materialet I kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja” në bashkëpunim parashikuar në nenin 134/2 të Kodit Penal.
Specialistët për Krimet në Komisariatin e Policisë Durrës arrestuan në flagrancë shtetasin:
? Tomorr Tuda 58 vjeç, banues në Durrës.

Më datë 04.02.2017, në lagjen Nr. 13, është kapur në flagrancë nga Shërbimet e Policisë, duke tentuar t?i vjedhë një pompë uji shtetasit F. D. 25 vjeç, banues në Durrës.
Materialet i kaluan Prokurorisë së Rrethit Gjyqësor Durrës për veprime të mëtejshme për veprën penale “Vjedhja” e mbetur në tentativë parashikuar në nenin 134, 22 të Kodit Penal.
Specialistët për Krimet në Komisariatin e Policisë Durrës po punojnë për gjetjen e shtetasit:
? I.K. 54 vjeç, banues në Durrës.

Më datë 04.02.2017, ora 10:30, ka bërë kallëzim bashkëshortja e tij, shtetësia A. K. 49 vjeçe, pasi më datë 03.02.2017, rreth orës 08:00 i është larguar nga banesa bashkëshorti.
Materialet i kaluan Prokurorisë së Rrethit Gjyqësor Durrës për veprime të mëtejshme./CityNews