web counter
LEXO PA REKLAMA!

SHKARKO APP

App Store
Google Play

E fundit!

x

Sulm me gurë dhe të shtëna me armë në Tiranë/ Disa të shoqëruar

5 Shkurt 2017, 11:10, Aktualitet CNA

Një sherr masiv ka ndodhur sot në kryeqytet, ku raportohet për sulm me gurë dhe të shtëna me armë. Ngjarja është shënuar në Shish Tufinë, te Qendra Tranzitore e Emergjencave.

Policia ka mbërritur menjëherë në vendngjarje, pas një telefonate në numrin e emergjencave 112, ku ka shoqëruar disa persona.

Ja njoftimi i plotë i policisë:
Më datë 05.02.2017, rreth orës 09:30, ka ardhur një telefonatë tek numri i emergjencave 112, se në Shish Tufinë, tek Qendra Tranzitore e Emergjencave, ka një konflikt midis disa shtetasve.
Menjëherë janë nisur shërbimet e Komisariatit të Policisë Nr 4, të cilët janë ndihmuar edhe nga ushtarët e vendërojes së laboratorit të Ushtrisë, për normalizimin e situatës dhe shoqërimin e personave të përshirë në konflikt.

Pas largimit të shërbimeve të Policisë, të afërmit e të shoqëruarve kanë filluar të sulmojnë me gurë shërbimin e vendërojes së ushtrisë, i cili është detyruar të bëj qitje në ajër, për tu shmangur sulmit të romëve, deri në afrimin e shërbimeve të policisë.

Shërbimet e Policisë bënë shoqërimin e personave, të cilët dyshohen të kanë qëlluar me gurë. Po kryhen veprime për sqarimin e plotë të rrethanave të ngjarjes./CityNews





Lajmet e fundit nga