web counter
LEXO PA REKLAMA!

SHKARKO APP

App Store
Google Play

Arrihet marrëveshja për murin në Mitrovicë

4 Shkurt 2017, 08:21, Aktualitet CNA

Tashmë është arritur marrëveshja për çështjen e murit në Mitrovicë. Lajmin e ka përcjellë zyra e Kryeministrit të Kosovës, Isa Mustafa, ku bën me dije se është arritur marrëveshja për hapat që do të ndërmerren në lidhje me murin e ndërtuar në pjesën veriore të Mitrovicës.

?Gjatë ditëve të fundit dhe nën lehtësimin e Zyrës së BE-së, si dhe të Ambasadës së SHBA-ve, ne, palët e përbëra nga ministri i Mjedisit dhe Planifikimit Hapësinor, Ferat Shala dhe kryetari i Mitrovicës së Veriut, Goran Rakiq, jemi pajtuar që të zgjidhim çështjen e cila lidhet me ndërtimin e murit në Mitrovicën Veriore?, thuhet në reagimin për media.

Aty citohet se është arritur ?një zgjidhje, e cila do të ulë tensionet në veriun e Kosovës, do të ndihmojë lirinë e lëvizjes dhe do të krijojë një ambient të favorshëm për të gjithë qytetarët në veri dhe në jug të Mitrovicës?.

Gjatë ditëve në vijim, bëhet e ditur se do të njoftohet edhe publiku me planin e rishikuar për zonën e këmbësorëve, e cila buron nga marrëveshja në kuadër të dialogut të BE-së, që ka të bëjë me projektin e BE-së për urën.

?Ne jemi të vetëdijshëm që çështja ka shkaktuar paqartësi në periudhën paraprake, por jemi kënaqur që të gjithë ne kemi pasur një qasje konstruktive në mënyrë që të përmbyllim këtë çështje, në mënyrë të qëndrueshme?, thuhet më tej. /CityNews 

 

 





Lajmet e fundit nga