E fundit!

14:04 Kosova & Bota

Këshilli i BE-së miraton marrëveshjen tregtare me SHBA-në

Këshilli i Bashkimit Evropian dha sot miratimin përfundimt...

Fiks Fare/ Banorët braktisin fshatin për 1500 m rrugë të pashtruar

3 Shkurt 2017, 20:39, Aktualitet CNA

Një rrugë prej 1500 metrash në gjendje skandaloze i ka detyruar banorët të braktisin fshatin Peshtan në Fier.

Bashkia e Fierit ka premtuar disa herë rikonstruksionin e këtij aksi, i cili lidh fshatin Peshtan i Vogël me rrugën nacionale Fier-Vlorë, por deri më sot nuk është vënë dorë. 700 banorët e kësaj zone ndihen të izoluar për shkak të rrugës, e cila po ua vështirëson së tepërmi jetesën.

Gazetarët e emisionit Fiks Fare shkuan në muajin mars të vitit të kaluar në fshatin Peshtan, ku dhjetëra banorë u ankuan për rrugën. Sipas tyre, shumë familje janë larguar nga fshati dhe të tjera po largohen pasi nuk kanë mundësi të shesin produktet. Në atë kohë, ekipi i Fiksit pyeti në Bashkinë e Fierit, ku kryetari Armando Subashi premtoi se punimet për rikonstruksionin e kësaj rruge do të fillonin brenda muajit korrik (2016).

Ndërkohë, në fillim të muajit shtator 2016, gazetarët e Fiks Fare, shkuan sërish në fshatin Peshtan, ku folën sërish me banorët. Ata theksuan se si shkak i problemeve të mëdha në infrastrukturë dhe shërbime, po detyrohen të braktisin shtëpitë e tyre, edhe pse jetojnë vetëm 3 km nga qyteti. Gjithashtu, një problem për 700 banorët e Peshtanit është edhe mbyllja e shkollës 9-vjecare.

Sipas banorëve, edhe furnizimi me ujë behet për 30 minuta paradite dhe 30 minuta pasdite. Uji është jo i pijshëm. Shtyllat elektrike janë të amortizuara, të cilat janë rrezik konstant për fëmijët. Ndërkohë, në qendrën shëndetësore është vetëm një infermiere, e cila thotë se nuk ka ilaçe. Nuk ka një vend të caktuar për hedhjen e plehrave, por detyrohen ti djegin vetë.

Megjithatë, këto ankesa të njëpasnjëshme nuk janë marrë parasysh. Në një moment, kur banorët ankoheshin, kryeplaku u fshatit, Alfred Fejzullahu, i kërkon operatorit të Fiks Fare që të mos filmojë. Ai ofendon edhe banorët që ankohen para kamerës.

Gazetarët dhe një përfaqësi e banorëve të fshatit Peshtan i Vogël i drejtohen Bashkisë së Fierit, duke kërkuar një sqarim në lidhje me shtrimin e rrugës. Në bashki takojnë drejtorin e Përgjithshëm të Shërbimeve Urbane Edmond Leka. Pasi dëgjesës së banorëve, z.Leka premton se punimet e rrugës së fshatit ?Peshtan i Vogël? do të fillojnë brenda muajt shtator 2016.

Fiksi shkoi për herë të tretë në fshatin Peshtan, kësaj herë në muajin janar të vitit 2017, ku shihej qartë se premtimi i dhënë për herë të dytë nga Bashkia e Fierit nuk u mbajt, ndërsa rruga është shkatërruar edhe më tepër!

Sipas banorëve, në vitet e zgjedhjeve, çdo forcë politike premton rikonstruksionin e rrugës së fshatit Peshtan. Por, ende askush nuk e ka mbajtur këtë premtim. Tetë vite më parë ky segment u inaugurua nga ish-kryeministri Sali Berisha, por edhe pse u pre shiriti për 2 km rrugë, pjesa tjetër prej 1500 metër, vazhdon të jetë në gjendje skandaloze, aq sa banorët me të drejtë ndjehen të harruar nga përfaqësuesit e shtetit.