E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Meta i del në krah Llallës: Prokuroria ka zbatuar Kushtetutën në përzgjedhjen e kandidatëve të KED

3 Shkurt 2017, 17:52, Aktualitet CNA

Kryetari i Parlamentit Ilir Meta, ka zhvilluar sot një konferencë për mediat në lidhje me anëtarët e Këshillit të Emërimeve në Drejtësi.

Meta ka kërkuar informacion shtesë në lidhje me përzgjedhjen e e kandidatëve dhe u shpreh se Prokuroria ka zbatuar Kushtetutën në përzgjedhjen e tyre.

Kreu i Kuvendit tha se në shkresën që i ka dërguar Prokuroria thuhet se të 3 emrat të propozuara nga kryeprokurori Adriatik Llalla si kandidat për KED, plotësojnë kriteret. Ai u shpreh se në shkresën e Prokurorisë theksohet se kandidatët e tjerë nuk i kanë plotësuar kriteret.

?Nisur nga deklaratat e bëra dje nga ambasadori i SHBA në Shqipëri Donald Lu dhe prokurorin e përgjithshëm Llalla, lidhur me listën e kandidatëve të KED.

Kuvendi ka kërkuar sqarime shtesë për këta kandidatë. Në përgjigje të kësaj shkrese zyrtare, Llalla ka kthyer përgjigje zyrtare. Sipas deklarimeve të djeshme të ambasadorit Lu, Prokuroria ka vonuar frymën e Kushtetutës duke përcjellë 3 kandidatë. Gjithashtu Z. Lu është shprehur se Prokuroria i zgjodhi vetë 3 anëtarët, duke kërkuar një listë vetëm me 3 emra dhe të përzgjedhur pa transparencë.

Sqarojmë se kushtetuta përcakton se Këshilli i Emërimeve në Drejtësi përbëhet nga 9 anëtare, 1 zgjidhet nga prokurorët e Prokurorisë së përgjithshme, 2 nga gjykata e Apelit.

Ligji ka përcaktuar kriteret për shkallën e kualifikimit të kandidatëve në momentin që do të hidhet shorti.

Theksojmë disa prej tyre, ushtrimin e profesionit për 10 vjet, përfundimin e shkollës së masgjistraturës, vlerësimin e mirë etik dhe profesional.

Në pikën dy, theksohet se kandidatët që nuk plotësojnë këto kushte përjashtohen.

Sipas shkresë së prokurorisë rezulton se kandidatët e përcjellë se kandidatët plotësojnë kriteret sic ka vendosur Kuvendi.

Sipas shkresave, plotëson kriteret vetëm një prokurorë i prokurorisë. Për dy vende, plotësojnë kriteret vetëm 2 prokurorë të Apelit.

Kuvendi ka kërkuar nëse janë kryer lëvizje të qëllimshme për të shmangur konkurencën. Sipas prokurorisë nuk ka pasur asnjë prokuror tjetër që të plotësonte kriteret. Edhe në prokuroritë e Apeleve nuk ka pasur asnjë prokuror tjetër që plotësonte kriteret.

Në këtë shkresë thuhet se nuk ka pasur asnjë rast të uljes në detyrë të prokurorëve të përzgjedhur.

Sipas Prokurorisë, rezulton se ka zbatuar në mënyrë korrekte dhe transparente Kushtetutën.

Në përfundim, sipas informacionit të përcjellë nga Prokuroria, asnjë prokuror nuk është ankuar.? ,tha Meta