web counter
LEXO PA REKLAMA!

SHKARKO APP

App Store
Google Play

E fundit!

x

Meta kundër amerikanëve/ Kthehet në zëdhënësin e Llallës

3 Shkurt 2017, 19:59, Aktualitet CNA

Në kulmin e përplasjeve dhe akuzave midis kryeprokurorit Adriatik Llalla dhe ambasadorit Donald Lu, Kreu i Kuvendit Ilir Meta, ka zgjedhur të kthehet në zëdhënësin e Llallës.

Në konferencën e sotme për shtyp, Meta i doli në krah kryeprokurorit Adriatik Llalla, duke iu referuar gjatë gjithë kohës një shkrese të Prokurorisë ku pretendohej se organi i akuzës ka zbatuar Kushtetutën në lidhje me përzgjedhjen e kandidatëve për Këshillin e Emërimeve në Drejtësi.

Ambasadori amerikan Donald Lu ka hedhur akuza të forta ndaj kryeprokurorit Llalla për mënyrën e zgjedhjes së KED, për tentativën për sekuestrimin e serverit nga institucioni i deklarimit të pasurive, por  edhe për pengimin e Reformës në Drejtësi.

Megjithatë, kreu i Kuvendit duket se nuk i ka marrë në asnjë moment parasysh akuzat e ambasadës së SHBA, por i ka qëndruar vetëm justifikimit të Prokurorisë.

Meta nuk foli për asnjë moment për akuzat e tjera të Donald Lu ndaj Prokurorisë dhe Adriatik Lallës, duke e përqendruar deklaratën tek shkresa e Prokurorisë për KED, a thua se prokuroria nuk mund të dilte në një konferencë në vete për shtyp, si një institucion i pavarur.

Duket se pas akuzave të ngritura ndaj Prokurorisë dhe drejtuesit të saj, organi i akuzës dhe Adriatik Llalla ka fituar një zëdhënës të ri për shtyp./CityNews





Lajmet e fundit nga