E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Ekskluzive, Foto Rama-Obama/ Gjykata dënon Bilal Shehun

2 Shkurt 2017, 19:51, Aktualitet CNA

Mediat ne SHBA raportojnë se Bilal Shehu, njeriu i akuzuar se pagoi dhjetra mijë dollarë për një foto të kryeministrit Edi Rama me presidentin e SHBA-ve në atë kohë Barack Obama është dënuar nga gjykata.

Citynews ka siguruar një raport te plotë, ku shkruhet se një 48-vjeçar, pronar i një servisi makinash, u dënua në gjykatën federale me një vit prove për rolin e tij në financimin e një fushate donacionesh për një mik, i cili rezultoi kryeministri i ardhshëm shqiptar, i fotografuar me presidentin Barack Obama në një mbledhje fondesh të vitit 2012, shkruajnë mediat amerikane.

Bilal Shehu iu lut Gjyqtares amerikane Madeline C . Arleo për një shans të dytë gjatë dënimit, në të cilën ai u përball me 12 deri në 18 muaj në burg. Më shumë se një duzinë miq dhe familjare kishin mbushur sallën e gjyqit si mbështetje ndaj tij.

Pasi gjykata e dënoi me kusht e jo me burg, Arleo citoi keqardhjen e Shehut dhe pendimin, së bashku me faktin se të tjerë të dënuar për të njëjtin krim me më shumë vepra “skandaloze” dhe shifra më të larta monetare kishin marrë shërbim provë në të kaluarën.

Shehu u deklarua fajtor vitin e kaluar për akuzat se ai transferoi $ 80,000 nga një burimi i huaj, një miku i fëmijërisë (Edi Rama), jo i përmendur në gjykatë, për t?ju bashkuar një komiteti për mbledhje fondesh për Obamën.

Pjesa e tij në transferim e ndihmoi të fshehë burimin e financimit, thanë autoritetet. Kontributi çoi në një ftesë për Shehu dhe një mysafir (Edi Rama) për të marrë pjesë në një ngjarje me Obamën dhe drejtuesve më të lartë te Silicon Valley në San Francisko./CityNews