E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

Nga Kastriot Myftaraj/ Koha për një mësim amerikan të llojit “Noriega” në Shqipëri

2 Shkurt 2017, 17:34, Aktualitet CNA

Momentalisht të gjithë drejtuesit e lartë të shtetit në Shqipëri po sillen haptas me përçmim me SHBA, ashtu siç nuk ishte parë kurrë pas vitit 1990. E nisi Kryeministri Rama që duke iu përmbajtur me kryeneçësi qëndrimit të tij fyes dhe përçmues ndaj Trump, të para zgjedhjeve në SHBA, nuk e uroi Presidentin e ri amerikan pas marrjes së detyrës.

E vazhdoi Kryetari i Kuvendit Meta, i cili pasi iu kërkua në zyrat e Departamentit të Shtetit në Washington që të dorëzonte të mbrojturin prej tij, bosin mafioz Kelmend Balili, dhe Meta me t? u kthyer në Tiranë kërkoi mbledhjen e Këshillit të Sigurisë Kombëtare. A thua se Kelmend Balili kishte marrë nën kontroll me një rebelim të armatosur territorin e Sarandës dhe Delvinës, duke prekur dëmtuar integritetin e shtetit shqiptar dhe ky duhet të ndërmerrte një operacion ushtarak për të rifituar kontrollin mbi këto territore.

E vazhdoi Prokurori i Përgjithshëm Llalla, i cili një çështje banale personale të shkeljes së ligjeve amerikane prej tij, madje familjarisht, kërkon ta kthejë në çështje parimore, kinse ambasada lufton institucionin e tij. Presidenti Nishani, i zemëruar se Shtëpia e Bardhë ia anuloi pjesëmarrjen në National Prayer Breakfast, që u mbajt pikërisht sot në 2 shkurt, mori në këtë konflikt anën e Prokurorit të Përgjithshëm, duke refuzuar madje edhe takimin sqarues që i kërkoi ambasadori amerikan.

Unë kam pasur kritika ndaj ambasadorit Lu për shkak të qëndrimeve të tij, por sot jam në anën e tij. Sepse sot ne pamë dy zyrtarë të lartë të shtetit që keqpërdorin pozitën e tyre dhe institucionet që drejtojnë për të zhvilluar një luftë personale kundër SHBA, si dy ?Don Kishotë? të dehur nga pushteti.
Unë do të doja që në këto rrethana SHBA t? i japin establishmentit shqiptar një mësim që shkon përtej atyre që mund t? u jepen si rezultat i reformës në drejtësi. Disa politikanë dhe magjistratë shqiptarë mund të shkojnë në burg në Shqipëri për bëmat e tyre, por një prej tyre duhet të shkojë në burg në SHBA. Shkurt, SHBA duhet t? i japin establishmentit shqiptar një mësim të llojit ?Noriega?.

Diktatori panamez Noriega, i cili u arrestua dhe u ekstradua në SHBA, në 1990, iu kishte bërë SHBA dhe Perëndimit shërbime shumë më të mëdha se të gjithë politikanët tanë të sotëm të marrë së bashku. Në sajë të Noriegës, Panamaja, vend me rëndësi shumë të madhe gjeostrategjike për SHBA dhe Perëndimin, për shkak të kanalit të saj që lidhte dy oqeane, nuk ra nën kontrollin e një regjimi komunist prosovjetik si vende fqinje. E megjithatë erdhi një moment kur shërbimet e Noriegës nuk kompensonin dot dëmet e shkaktuar prej tij. Dhe Noriega përfundoi në një burg amerikan.

Pyetja është se cili është ?Noriega? shqiptar? Unë mendoj se meqënëse politika shqiptare është tripolare, pra dhe keqbërja në vendin tonë është e trefishtë e mira do të ishte që ?Noriega? shqiptar të jetë një treshe politikanësh: Sali Berisha, Ilir Meta dhe Edi Rama. Noriega shkoi në një burg amerikan si trafikant droge në dëm të SHBA, ndonëse sigurisht që nuk kishte kryer ai personalisht trafik droge, por kishte mbështetur trafikantët. Akuza më e lehtë që mund t? u bëhet këtyre është shpërdorimi i ndihmave amerikane për Shqipërinë, por edhe lidhjet dhe mbështetja për kriminelë shqiptarë që kanë dëmtuar SHBA me veprimtarinë e tyre. Nëse SHBA e bëjnë këtë gjë do të kenë mbështetjen e 90% të shqiptarëve.
Kur them se fatin e Noriegës duhet ta ketë treshja Berisha-Meta-Rama, nuk do të thotë se jam mbështetës i Lulzim Bashës, sepse këtë manikin politik do ta mposhtë kushdo që të dalë si lider i së majtës, në çdo rrethanë.