web counter
LEXO PA REKLAMA!

SHKARKO APP

App Store
Google Play

Basha: Politikanët e korruptuar dhe krimi duan të vjedhin zgjedhjet, të ngrihemi më 18 shkurt

2 Shkurt 2017, 17:28, Aktualitet CNA

Kreu i Partisë Demokratike Lulzim Basha shprehet se politikanët e korruptuar dhe krimi duan të vjedhin zgjedhjet e ardhshme.

Përmes një deklarate për shtyp, Basha thekson se shoqëria jonë është e rrethuar nga krimi droga dhe prapambetja.

Basha i bën thirrje qytetarëve të ngrihen së bashku më 18 shkurt.

Deklarata e plotë

Mbi gjithë zhurmën e propagandës në Shqipëri sot ka një mesazh që dëgjohet qartë: Politikanët e korruptuar dhe krimi duan të vjedhin zgjedhjet e ardhshme.

Këtë mesazh po e thonë me zë të lartë qytetarët e thjeshtë dhe diplomatët e huaj, institucionet e drejtësisë dhe shërbimet sekrete të huaja dhe vendase, politikanët e huaj dhe vetë ministrat e qeverisë.

Tonelatat e farës së hashashit që kanë hyrë muajt e fundit ne Shqipëri janë pjesë e planit për të blerë dhe vjedhur vota, për të ruajtur pushtetin e tanishëm politik duke prishur zgjedhjet. Një shoqëri e rrethuar nga krimi dhe droga nuk prodhon punë, mirëqenie, shëndetësi, dhe arsim. Një shoqëri e pushtuar nga droga prodhon krim dhe prapambetje.

Ne mund ta ndalojmë këtë të keqe duke u ngritur së bashku. 18 shkurti është dita që populli të thotë fjalën e tij. 18 shkurti është dita për të nisur aksionin e kthimit të pushtetit tek qytetaret. 18 shkurti është dita të #NgrihemiBashkë.





Lajmet e fundit nga