web counter
LEXO PA REKLAMA!

SHKARKO APP

App Store
Google Play

Rama-Manjani, “miqësia” që u kthye në një armiqësi të egër

30 Janar 2017, 21:00, Aktualitet CNA

Edi Rama dhe Ylli Manjani kanë një histori të gjatë.

Në kohën kur Rama mori drejtimin e PS-së, Ylli Manjani ishte një nga bashkëpunëtorët e tij të afërt.

Por, ky bashkëpunim zgjati vetëm 3 vite dhe ata u kthyen në armiq të egër.

Kjo, pasi Rama e caktoi atë si kandidat për deputet në zonën e Bulqizës, vetëm i treti në listë, pas Sadri Abazit dhe Qemal Minxhozit.

Dhe, nuk arriti dot të zgjidhej deputet.

Zhgënjimi bëri që Manjani t?i bashkohej LMN-së së Ben Blushit dhe akuzave ndaj Edi Ramës.

Pas sulmeve publike në medie, kryesisht në ato të Aleksandër Frangajt, Manjani u bashkua me LSI-në e Ilir Metës.

Dhe, sërish do të ishte një nga njerëzit që e sulmonte më egër Ramën, ndërkohë që LSI ishte në koalicion me Berishën.

Madje, në 2011 ishte kryejuristi i LSI-së në KQZ, ku bashkëpunimi me PD-në rrëzoi Ramën nga bashkia.

Pas marrëveshjes së 1 prillit, u duk se Manjani do të qetësohej dhe do të kishte një marrëdhënie normale me Ramën.

Ai u emërua zv.ministër Transporti dhe nuk kishte shumë peshë në jetën politike.

Por, emërimi në postin e Ministrisë së Drejtësisë, pas largimit të Nasip Naços, ?rilindi? Ylli Manjanin dhe sulmet e tij ndaj Ramës.

Në një vit që qendroi në postin e ministrit, Manjani ka qenë një nga kritikët më të ashpër të kësaj mazhorance, kritika që kulmuan javët e fundit, kur Manjani deklaroi se në mazhorancë ka deputetë vrasës dhe se policia ka mbështetur kanabizimin e vendit.

Dhe për këtë arsye Rama e shkarkoi.

Pas vendimit, Manjani shpërtheu në akuza të ashpra ndaj Ramës.

Akuza që nga sot e tutje do të shpeshtohen dhe do të bëhen edhe më të forta.

Është një film i parë tashmë nga Manjani!/TemA





Lajmet e fundit nga