E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

"Faktori Trump" ndihmon shanset e Kancelares Merkel për rizgjedhje

30 Janar 2017, 18:05, Aktualitet CNA

Këshilltarët e zonjës Angela Merkel shpjegojnë me shaka se përmirësimi i miratimit të punës së kancelares nga publiku ka ardhur si pasojë e ?faktorit Trump?.

Me zgjedhjet federale gati tetë muaj larg, udhëheqësja gjermane po mëkëmbet nga një nivel i ulët i përkrahjes nga publiku gjatë kulmit të krizës së refugjatëve në dimrin e vitit 2015-2016. Këshilltarët e saj mendojnë se duhet të falenderojnë presidentin e ri amerikan për këtë përmirësim.

Anketa e organizatës Forschungsgruppe Wahlen e përllogarit nivelin e miratimit për zonjën Merkel tani tek 74%, që është shumë më lart nga ai i homologëve të saj evropianë. Niveli i miratimit për presidentin Donald Trump në Shtetet e Bashkuara qëndron 42% sipas anketës së fundit të organizatës Gallup.

Zoti Trump dhe ndihmësit e tij nuk kanë ngurruar të kritikojnë kanceleren gjermane. Gjatë fushatës së tij zgjedhore, zoti Trump kritikoi në mënyrë të përsëritur zonjën Merkel për pranimin në Gjermani të refugjatëve të luftës nga vendet e Lindjes së Mesme, duke e fajësuar për atë që tha se ishte shatërrimi i vendit, megjithëse ndonjëherë tërhiqej dhe e cilësonte atë si një nga udhëheqësit e tij të preferuar botërorë.

Një vit më parë, zoti Trump parashikoi se “populli gjerman do ta rrëzojë nga pushteti këtë grua. Nuk e di se çfarë ka ajo në mendje?. Në një intervistë në mars të vitit 2016 për gazetën The New York Times, ai tha, ?Gjermania po shkatërrohet. Kam miq nga Gjermania që nuk duan të kthehen. Gjermania po shkatërrohet nga naiviteti i Merkelit.?

Disa ditë para inaugurimit të tij këtë muaj, zoti Trump i tha gazetës The Times të Londrës dhe Bild të Gjermanisë se vendimi i Merkelit për të lejuar më shumë se një milion imigrantë në Gjermani ka qënë ?një gabim katastrofik?. Pikëpamjet e tij pasqyrojnë linjën redaksionale të faqes elektronike Breitbart News, që deri kohët e fundit drejtohej nga një prej këshilltarët kryesorë të zotit Trump, Steve Bannon.

Parashikimiet për rrëzimin e saj të afërt megjithatë duket se kanë patur një efekt të kundërt në Gjermani.

Sipas anketave të fundit, gati 60% e gjermanëve, mendojnë tani se vendi mund ta përballojë valën e refugjatëve. Kjo mund të jetë pjesërisht për shkak se numri i refugjatëve ka rënë nga 890 mijë në 2015-ën në 280 mijë vitin e kaluar.

?Shoku fillestar i ndikimit të refugjatëve ka filluar të bjerë?, i tha Zërit të Amerikës një këshilltar i zonjës Merkel. Ndërsa ajo fillon fushatën zgjedhore me shpresën për të siguruar një mandat të katërt si kancelare, Merkel dhe këshilltarët e saj po e përdorin tashmë Trumpin, megjithëse kancelarja vetë nuk është angazhuar në sulme të drejtpërdrejta ndaj Trumpit, duke ia lënë sulmet më të mprehta anëtarëve të tjerë të qeverisë gjermane.

Këshilltarët e zonjës Merkel theksojnë se niveli i miratimit për të ka vazhduar të rritet që nga votimi i britanikëve qershorit e kaluar për t?u larguar nga Bashkimi Evropian.

Pak ditë pas votimit britanik, i njohur si Brexit, popullariteti i zonjës Merkel u rrit me 9%, sipas një ankete të organizuar nga televizioni gjerman ARD, duke shënuar nivelin më të lartë që nga shtatori i një viti më parë, kur shifrat ranë ndjeshëm dhe në Berlin u përhap bindja se kancelarja po i afrohej shpejt një fundi politik.

Analistët thonë se shpjegimi më i mirë për këtë rritje të popullaritetit janë shenjat e rritjes së mbështetjes në mesin e vendeve të Evropës Perendimore për Bashkimin Evropian mes frikës së paqëndrueshmërisë.

Evropianët e shohin largimin nga grupi si një ?rrezik të madh?, tha zonja Merkel vitin e kaluar. ?Askush nuk do ta vendosë veten në atë lloj ngatërrese si britanikët,? shtoi kancelarja.

Larg nga fryma e Brexit dhe valëve të lëvizjes Trump, partia nacionaliste gjermane AfD, e mbështetur fuqishëm nga Breitbart News, ka ngecur në anketat e opinionit tek 12%. Sulmi terrorist në dhjetor në Berlin, kur një refugjat tunizian përplasi kamionin e tij në një treg të Krishlindjes duke vrarë 12 persona, nuk ndikoi në mbështetjen politike për partinë AfD./VOA