web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Lojërat seksuale ende tabu? Ja çfarë thotë psikologia për "CityNews"

30 Janar 2017, 17:05, Aktualitet CNA

Lojërat seksuale mesa duket janë ende tabu për vendin tonë. Kjo u duk qartë nga komentet që mori në kohë reale Rudina Magjistari, teksa kishte dy të ftuara speciale që flisnin për këtë çështje tejet  të nxehtë.

Rrjetet sociale shpërthyen në kohë reale, madje duke e ofenduar personalisht moderatoren, e cila në një intervistë të mëvonshme dha të gjitha arsyet pse u diskutua kjo temë.

Në këto ditë ku ende ka jehonë kjo tematikë, CityNews ka intervistuar një psikologe, e cila na shpjegon në detaje se sa të frustuar jemi ne si shoqëri dhe si mundohemi të gënjejmë njëri-tjetrin për shkak të një tabuje.

Psikologia Entela Binjaku thotë se lojërat seksuale janë mjete për të larguar monotoninë në dhomën e gjumit, për rindezur pasionin në çift. Sipas saj, ato i shërbejnë forcimit të marrëdhënies mes partnerëve që janë në kërkim të pasurimit të raportit seksual.

Po çfarë ndjesish krijojnë ato? Psikologia thotë se ?Ato krijojnë kujtime dhe ndjesi që për çiftin mund të mbeten të paharruara dhe fond i kujtimeve të veçanta mes tyre?.

Kjo temë, të cilën rrallë e më rrallë e sheh të diskutohet në emisione të ndryshme, mori edhe shuplakën e parë. Entela e justifikon me mentalitetin. ?Ne si shoqëri, seksualitetin e kemi trajtuar si një tabu dhe çfarë ndodh në intimitetin e çiftit mbetet një temë ndaj së cilës qasemi bashkë më fobirat tona, komplekset personale dhe ato që mbart një shoqëri e mbyllur dhe e ndrydhur.

Por bota perëndimore ka folur për çështje të seksualitetit edhe në mënyrë të studiuar që në vitet ?50 të shekullit që kaloi. Është mjaft i famshëm një studim i Alfred Kinsey, që mori në shqyrtim jetën seksuale të 18 mijë çifteve dhe zbulimet e tij shokuan dhe çuditën mbarë botën, sepse u pa një ndryshim shumë i madh mes asaj që mendohej se dihej për sjelljen seksuale.

Perëndimi në vitet ?60 flet për liberalizmin e sjelljes seksuale ku merr një vlerë të madhe kënaqësia seksuale e gruas, e cila duhej veçuar nga sjellja riprodhuese e saj. Ne si shoqëri nuk kemi studime të sjelljes seksuale tek qytetarët shqiptarë, priremi të besojmë se edukata seksuale, është një fushë që lihet kryesisht në nivelet ?ad libidum?.

Ndërsa në mënyrë formale, në shkolla ajo ende bëhet në mënyrë të fragmentarizuar ose nuk zhvillohet në nivelin e seriozitetit që kërkon. Për shkak të procesit të shoqërizimit të vetë aktorëve të shkollës për të cilët seksualiteti është tabu, ata vetë e konsiderojnë se këto tema janë pa rëndësi, ose mendojnë se të rinjtë do t?i mësojnë vetë.

Prindërit shqiptarë, jo në çdo rast kanë lirshmërinë e nevojshme që kërkon tema e seksualitetit për ta trajtuar atë me fëmijët, sepse edhe ata mbartin mendësinë e një kulture të ndrydhur në drejtim të kësaj teme.

Reagimi i atyre që shkruajnë në mediat sociale nuk të çudit, nuk bën përjashtim nga fjalori negativist që përdoret thuajse për çdo lloj teme, ku ata që fyejnë e kritikojnë pas monitorit janë më të shumtë se ata që nuk shkruajnë ose komentojnë.

Kjo lidhet me një nënkulturë të përdoruesve të mediave sociale tek ne, për të cilët ?asgjë nuk bëhet siç duhet? ose ?çdo gjë që bëhet nuk ka vlerë?.

Këtu nuk përjashtohen edhe elementët që lidhen me ndrydhjen apo shtypjen seksuale të pranishme në një shoqëri të ndrydhur e me një trashëgimi patriarkale dhe konservatore si jona që e vuan stigmën, që jeton me frikën nga paragjykimi, etj.

Mentaliteti konservator i trashëguar, të jetuarit me shtypjen e dëshirave, komplekset e inferioritetit me të cilat jetojnë mjaft njerëz, sjellin një qëndrim refuzues, mohues dhe kritik ndaj kësaj teme. Sigurisht që gjithkush e ka këtë liri në mediat sociale.

Por ndërkohë që bota e zhvilluar ka më shumë se katër dekada që proklamon se gratë kërkojnë mjeshtërinë seksuale tek partnerët, se jeta në çift ka të drejtën të kërkojë mjete për përmirësimin e kënaqësisë seksuale, siç janë edhe lodrat seksuale, tek ne ende janë të forta qëndrimet e ?puritanëve seksualë?, për të cilët standardet e sjelljes seksuale janë më të rrepta. /CityNews





Lajmet e fundit nga