E fundit!

12:34 Aktualitet

Dita e Ashures/ Mesazhi i Baba Mondit: Lutjet tona shkojnë për ata që vuajnë nga luftërat

Besimtarët bektashinj ka kremtuar sot Ditën e Ashures, një...

A do ta lëpijë Petrit Vasili atë që pështyu ?

30 Janar 2017, 19:34, Aktualitet CNA

Kabineti qeveritar është përfshirë nga disa ndryshime të rëndësishme në rang ministrash. Kryeministri Edi Rama shkarkoi sot Ministrin e Drejtësisë Ylli Manjani pas kritikave që ky i fundit lëshoi ndaj qeverisë në lidhje me drogën.

Manjani u shkarkua me motivacionin e përmirësimit të mëtejshëm të cilësisë së bashkëqeverisjes dhe të koordinimit sa më të mirë të punës me Kuvendin.

Vendin e tij do ta marrë kreu i grupit parlamentar të LSI, Petrit Vasili. Ky i fundit ka qenë ministër në qeverinë ?Berisha?, por në qeverinë e ?Rilindjes? nuk ka pasur mundësi të drejtojë asnjë ministri.

Tre ditë më parë, në një mbledhje urgjente me grupin parlamentar të LSI dhe kryebashkiakët e saj, Petrit Vasili i ka paralajmëruar ata të kenë kujdes pasi Policia e Shtetit i ka vendosur në shënjestër. Sipas Vasilit, policia do ti vendoste drogë në makinat e tyre.

Sot, Vasili ndodhet në një situatë tjetër. Ai është emëruar Ministër i Drejtësisë, por nuk dihet nëse i qëndron ende deklaratave për drogën dhe Policinë. Ndoshta, tani që ka marrë një pozicion të rëndësishëm, Vasili nuk mendon më në këtë skenar, por deklarata e tij është shumë e rëndë.

Kjo hedh dyshime të forta se e gjithë kjo ka qenë një lojë apo një kurth i tij për të tërhequr Ylli Manjanin dhe për ti zënë vendin. Vasili akuzoi se policia do ti vendoste drogë, por sot është pjesë e kabinetit qeveritar dhe do detyrohet të punojë me një ministër që i fut drogë në makinë kolegëve të tij.

Ai është pjesë e një qeverie që akuzoi tre ditë më parë dhe fakti se Vasili e ka pranuar këtë pozicion tregon se ka pranuar të jetë brenda qeverisë së lidhur me krimin ose akuza se policia do të fuste drogë në makinat e përfaqësuesve të LSI ka qenë blofi i radhës./CityNews