web counter
LEXO PA REKLAMA!

SHKARKO APP

App Store
Google Play

E fundit!

x

Kriza në qeveri/ LSI do shkarkimin e Saimir Tahirit?

29 Janar 2017, 13:21, Aktualitet CNA

Përplasjet në qeveri mes PS dhe LSI-së duket se janë në momentet më kulmore. Pas akuzave të drejtpërdrejta nga disa përfaqësues të LSI ndaj Ministrit të Brendshëm, mësohet se LSI po përgatitet për një skenar jo përfundimtar duke kërkuar lëvizje konkrete nga kryeministri Edi Rama.

Burime jo zyrtare nga LSI thanë për citynews se ditën e nesërme, pritet që grupi i Ministrave të LSI do të zhvillojë një konferencë ku do të akuzojë drejtpërdrejt Ministrin Saimir Tahiri, duke pretenduar se nuk mund të jetë më pjesë e qeverisë me një ministër të korruptuar.

Sipas burimeve jo zyrtare, LSI do ti japë 48 orë kohë Edi Ramës për të shkarkuar Tahirin, përndryshe do ta dërgojë për ndjekje penale. Gjithashtu, mësohet se përfaqësuesit e LSI kanë përgatitur edhe një dosje për ta dorëzuar së bashku me dorëheqjet.

Në fakt, LSI njihet si një mjeshtre që hedh në treg lajme të rreme për të ushtruar presion e më pas tërhiqet duke thënë se nuk e kemi bërë ne.

Ditën e fundit, Petrit Vasili, Ylli Manjani, Lefter Koka dhe Vangjel Tavo kanë akuzuar rëndë Policinë e Shtetit dhe Ministrin Saimir Tahiri dhe me shumë gjasa e gjithë loja është inskenuar nga kreu i LSI, Ilir Meta.

Gjithçka mbetet për tu verifikuar pasi me intrigat dhe lëvizjet e Ilir Metës për qëllimet e tij, asgjë nuk është e sigurt.

E vemja gjë që shihet qartë, janë sulmet e LSI ndaj Ministrit të Brendshëm Saimir Tahiri./CityNews





Lajmet e fundit nga