web counter
LEXO PA REKLAMA!

SHKARKO APP

App Store
Google Play

E fundit!

x

Kush e censuroi Arian Çanin?

29 Janar 2017, 11:43, Aktualitet CNA

Drejtuesi i emisionit ?Zonë e Lirë? Arian Çani, njihet si një nga kritikuesit më të ashpër të kryeministrit Edi Rama, qeverisë së tij, si dhe kryebashkiakut të Tiranës, Erion Veliaj.

Në emisionet e tij, Çani është shprehur shpesh herë se Rama në qeveri dhe Veliaj në Bashki po marrin në qafë vendin.

Me mënyrat e tij, ai ka denoncuar gjithmonë aferat, skandalet, kapjen e qeverisë, kapjen e mediave dhe shumë e shumë probleme të tjera ,për të cilat Çani ka fajësuar Ramën dhe në Tiranë, Veliajn.

Por, emisioni i dy ditëve më parë ishte ndryshe nga të premtet e tjera. Si rrallë herë, Çani nuk kishte të ftuar asnjë figurë politike, asnjë debat politik dhe nuk foli në asnjë rast për qeverinë, për Ramën apo për Veliajn. Ai nisi emisionin me një transgjinor dhe e përfundoi me dy lesbike që shisnin produkte seksi.

Kjo ndoshta është pjesë e programacionit të emisionit, por duke njohur figurën e Arian Çanit, ka pak gjasa që kritikat ndaj Ramës dhe Veliajt të mungojnë thjesht dhe vetëm si pjesë e programit sepse moderatori ka gjetur gjithmonë hapësirë, edhe në rastet kur tematikat nuk kishin lidhje me politikën, për të ironizuar apo denoncuar publikisht abuzimet e qeverisë.

Censura

Prej disa ditësh po flitet për një censurë mediatike të mediave më prestigjoze në vend,  me urdhër të kryeministrit Edi Rama, apo pjesëtarë të qeverisë. Fillimisht një punonjës i një gazete u largua me pretendimin se pronari i tij kishte ndryshuar linjën duke mbështetur qeverinë, e më pas u fol se ABC Neës u ble nga ?qeveria? dhe drejtori Armando Shkullaku u largua për ti hapur rrugë televizionit të mbajë qëndrime pro qeverisë.

Ndoshta, heshtja e djeshme e Çanit, lidhet me një censurë të mundshme. Moderatori i Zonë e Lirë ose ka ndryshuar qëndrim ndaj qeverisë, ose është blerë ose pronari i TV Klan, Aleksandër Frangaj i ka mbyllur gojën./CityNews





Lajmet e fundit nga