web counter
LEXO PA REKLAMA!

SHKARKO APP

App Store
Google Play

Basha nuk mban më, sulmon kritikët/I shërbeni xhepave dhe qeverisë

29 Janar 2017, 19:27, Aktualitet CNA

Nga qyteti i Elbasanit, ku ka marrë pjesë në festimet e 26-vjetorit të themelimit të Partisë Demokratike, Lulzim Basha ka shpërthyer me akuza të forta ndaj kritikëve të opozitës. Basha ka akuzuar kritikët se sipas tij, po i shërbejnë qeverisë dhe xhepave.

?Po i shërbeni xhepave dhe qeverisë?, iu tha Basha kritikëve.
Më tej, kryedemokrati u nda te marrëdhëniet me SHBA, duke thënë se me Ramën kryeministër janë të pamundura. Sipas tij, vala e ndryshimeve politike po shtrihet kudo dhe do të vijë edhe në Shqipëri. Ai përsëriti se kandidatët për deputet të PD do të nënshtrohen vettingut.
?Lajmi i mirë është se vala e ndryshimeve politike po shtrihet kudo dhe do të vijë edhe në Shqipëri. Bota po kalon një shkundje një tronditje nga themelet, disa e quajnë revolucion politik. Njerëzit e thjeshtë po ngrihen. Njerëzit po kërkojnë që pushteti të kontrollohet prej tyre dhe të punohet për ta. Është kjo frymë që ka përqafuar PD prej kohësh. Kjo qasje do të zbatohet me përzgjedhjen e listës së kandidatëve për deputet. Për herë të parë mbështetësit e PD po propozojnë kandidatët për deputetë. Ju nxis të propozoni kandidatët më të denjë. Kur ky proces do të mbarojë PD do të nisë vettingun e përfaqësuesve të vet. Me këtë proces ne garantojmë se deputetët e PD nuk do jenë të lidhur me krimin?, shtoi kreu i PD./CityNews





Lajmet e fundit nga